Almeda Abazi dhe bashkëshorti i saj, Tolgahan u bënë për herë të parë prindër në 5 maj të këtij viti. Nuk kaloi shumë kohë që Almeda të na prezantonte me bebushin Efehan, por as të tregonte vështirësitë me të cilat u has gjatë lindjes së tij.
Në fakt, që në takimin e parë me të birin, Tolga i drejtua të voglit duke i thënë: “Bir, na frikësove shumë!”- kjo për shkak të lindjes së vështirë dhe orëve të gjata në sallë që ju desh të kalonte.
4 muaj pas lindjes, gjatë një interviste për “Magazin D” Abazi foli më gjatë për atë moment dhe vendimin për të kryer lindje natyrale.
“Ishte nëna ajo që më këshilloi të bëja lindje natyrale pasi kështu do ta përjetoja ndjesinë e të qënit nënë ashtu siç duhet. Djalin e solla në jetë pa marrë injeksione dhe pse e gjithë procedura zgjati plot 15 orë dhe ishte gjithçka shumë e vështirë.”- tregoi Almeda.
Përpos këshillës që e ëma i ka dhënë shoë girl-it, shpesh thuhet se lindja natyrale është më e mirë se ajo me operacion. Kjo për disa nga arsyet më poshtë:
1. Nëna është më e lirshme në lëvizje
2. Ke më shumë kontroll mbi lindjen tënde
3. Në të shumtën e rasteve, zgjat pak
4. Femra e merr veten më shpejt
5. Ka më pak rreziqe si për nënën ashtu dhe për bebin
6. Gjidhënia është më e thjeshtë dhe e suksesshme
7. Rrit vetëbesimin e nënës së re
Me siguri, Almeda i dinte të gjitha këto, kështu që pavarësisht të gjithave, eksperienca ja vlejti.