Xhemi Shehu dhe pirsi që ka vendosur në hundë së fundmi, na kujtuan se asnjëherë s’është vonë për të “guxuar” më të tilla dëshira, që zakonisht hovin më të madh e kanë gjatë adoleshencës sonë.
Nga fotot e postuara në llogarinë e Instagram-it, pirsi i moderatores nuk ka kaluar pa u vënë re nga komentuesit, të cilët jo vetëm që s’kanë patur asnjë “kritikë”, por e kanë komplimentuar.
Dhe pse duhet të ketë se s’bën një limit kohor për të vendosur një pirsing apo një tatuazh? Shumë personazhë të njohur shqiptarë, kanë guxuar dhe pas të 30-ve apo më tej për të bërë çfarë ndoshta kanë pasur gjithnjë në mendje!
Sokol Balla
në 2017-ën u shfaq me krahun e mbushur në tatuazhe ose siç quhet ndryshe “sleeve tatoo”.
Fillimisht pasionin që gazetari kishte për tatuazhe e hasëm në 2014-ën, kur ndau imazhe nga momenti kur në krahun e tij të djathtë, po bëhej një tatuazh, specifikisht, një tribal.
Vite më vonë, krahu do të mbushej i gjithi dhe njerëzit do ta prisnin me komente pozitive!
Valbona Mema
Sa më shumë kalojnë vitet, aq më tepër këngëtarja është e apasionuar pas tatuazheve. I gjithë krahu i mbuluar me tatuazhe!
Aurela Gaçe
Edhe Aurela vendosi të bëntë tatuazhin më domethënës, vetëm pasi u bë mama e dy vajzave!
Që prej janarit të këtij viti, Aurela mban në trupin e saj emrat e të vijave, por e veçanta qëndron në faktin se shkrimi u bë nga vajza e saj e madhe, Grace.
Mirela Kumbaro
Në këmbën e ministres Kumbaro (pranë kyçit të saj) dallohet një nusepashkë e vockël.
Me shumë gjasa, tatuazhi është bërë vitet e fundit. Në kulturën shqiptare, nusepashka konsiderohet një simbol i fatit të mirë, por ndoshta për ministren ka kuptim personal.
Me pak fjalë, as statusi (personal/profesional) dhe as mosha nuk kanë fuqinë për t'i zbehur dëshirat e njerëzve, kështu që kurrë mos thoni "Kurrë".
Copyright Anabel.al / Ndalohet ribotimi pa lejen e redaksisë.
