Marsela Çibukaj dhe Vitmar Basha nuk kanë planifikuar asnjë dasmë për momentin, por meqë të gjithë prisnin diçka nga çifti, flasim për historinë e dashurisë.
Gjatë një interviste për "Edicionin Veror" çifti tregoi se shumë përpara se të dashuroheshin, ishin fansa të njëri tjetrit.
"Unë isha fans i saj që kur këndonte Billie Jean tek "The Voice"!"- u shpreh këngëtari duke lënë ~paksa~ të hutuar Marselën pas kësaj deklarate.
Asnjërit prej të dyve s'jua kishte marrë mendja se një ditë do të ishin bashkë.
"Absolutisht s'e kishim menduar. U lidhëm para një viti e gjysmë dhe e kemi ujitur këtë lule sikur të ishte hera e parë për ne."- vazhdon ai derisa Marsela ndërhyn për të hequr ca doza romanticiteti.
"Nuk jemi kaq romantik në jetën e përditshme se unë jam nga labëria dhe e ruaj egërsinë, kurse Vitmari është më i ëmbël. U takuam për muzikën, do luanim live bashkë, pastaj nga një kafe lindi muhabeti."- përfundoi Çibukaj.
Në fillim të këtij muaji, dyshja u përfol se do të martohen së shpejti, por jo. Deri më tani nuk ka asnjë datë konkrete.
