Ermonela Jaho, sopranoja shqiptare me famë ndërkombëtare ka dashur gjithnjë që emri i saj të përmendet vetëm për talentin, punën dhe skenën e saj.
Jaho është kujdesur që jetën private ta mbajë të tillë, ndaj dhe pse e martuar prej vitesh, bashkëshortin e saj prej vitesh e prezantoi vetëm sot!
View this post on Instagram
Pak orë më parë, sopranoja postoi në llogarinë e saj të Instagram-it disa foto nga pushimet e saj në Shqipëri.
“Të gjithë kemi një vend në të cilin marrim diçka që asnjë vend tjetër s’na e jep dot. Shtëpi!”- shkruan sopranoja dhe mes peisazheve natyrore të vendit tonë, shfaqet e përqafuar me partnerin.
Kjo është hera e parë që Ermonela Jaho poston një foto nga jeta e saj private.
Në një intervistë të dhënë pak kohë më parë, Jaho u shpreh:
“Unë nuk kam dëshirë të flas për jetën private, por shkurtimisht mund t’ju them që dashuria e vërtetë, respekti për njëri tjetrin bëjnë që të kapërcehen të gjithë vështirësitë e jetës. Ervin Stafa është shoku im i ngushtë i jetës që në fëmijëri dhe koha e konfirmoi dhe e konfirmon çdo ditë. Ai është inxhinier elektronik dhe është përkrahja totale e jetës sime!”
