KESHILLA PER BLERJET TUAJA
Astro Fun

Prej hënës së plotë në Ujor, bëni mirë të prisni të papriturën!

Shkruar nga Anabel

15 Gusht 2019

Prej hënës së plotë në Ujor, bëni mirë

Sot, hëna e  plotë është në shenjën e Ujorit dhe po ju paralajmërojmë të bëheni gati për çudira. Ndonjëherë, Ujori quhet shenja e çuditshme e zodiakut (me përkëdheli sigurisht) pasi asociohet me të qenit eksentrik, me idealizmin dhe inovacionin. Hëna e plotë e gushtit njihet ndryshe si Hëna e Blinit, sepse gjatë kësaj periudhe të vitit, blini (një lloj peshku) peshkohet më lehtë.

Në astrologji, hënat e plota simbolizojnë një ndjesi plotësie ose një fund, “Porsi me çdo hënë të plotë, ku hëna kundërshton diellin, disa situata do të kulminojnë ose përfundojnë, sidomos situatat që e kanë pikënisjen në hënën e fundit të plotë, në Luan, para dy javësh,” shpjegon Narayana Montufar, astrologe për Astrology.com dhe Horoscope.com.

Efektet e hënës së plotë influencohen nga pozicionet e planeteve të tjerë dhe “Kjo hënë specifike është goxha e ngarkuar!” thotë Montufar. “Kjo hënë ndikohet shumë nga Afërdita, planeti i dëshirës, artit, parave dhe bukurisë – teksa udhëton në zemër të diellit, ajo hedh dritë mbi çështjet që kanë lidhje me gjërat që duam dhe gjërat që vlerësojmë, si dhe mbi mënyrën si e prezantojmë veten.”

Ajo shton, “Marsi (zot i luftës dhe seksit), asteroidi Juno (perëndesha e martesës) dhe asteroidi Vesta (perëndesha e shërimit) janë gjithashtu të përfshirë, që do të thotë se çfarëdolloj çështjeje të sjellë kjo hënë, do të jetë diçka e personale dhe intensive. Urani, planeti sundues i kësaj hëne të plotë, kaloi në prapavijë në shenjën e Demit më 11 gusht, që me shumë mundësi do të sjellë ndryshime të papritura në planet personale si pasojë e shkaqesh a incidentesh të paparashikuara. Në fjalë të tjera, prisni të papriturën!”

Gjatë kësaj hëne të plotë, do të ndikohen më së shumti shenjat e fiksuara, Demi, Luani, Akrepi dhe Ujori.

“Kur të ndodhë e papritura, bëni mirë të tregoheni mendjehapur, të ndiqni rrjedhën dhe të shkëputeni sa të jetë e mundur nga rezultati,” thotë Montufar. “Ngaqë shenjat që ndikohen më së shumti janë shenja të fiksuara, kjo s’do të jetë e lehtë. Sidoqoftë, me Afërditën në Luan, mund të heqim më në fund dorë nga veset tona irracionale dhe nga fiksimet e vjetra personale.”

Burimi: Refinery29

MOS I HUMBISNI