Kur Instagrami gëlonte nga postimet e trishta për ndarjen e Miley Cyrus dhe Liam Hemsëorth, Cardi B vendosi të ndërhynte dhe të fliste për diçka më të lehtë. Si puna e implanteve të gjoksit. Jo vetëm që i kanë zmadhuar dekoltenë, por e ndihmojnë edhe në një situatë jetë a vdekje.
Cardi postoi një foto të sajën në Instagram me pantallona të kuqe, atlete të bardha e të zeza dhe një bluzë të zezë të tejdukshme. “Nuk di not, prandaj bëra gjoksin, që të pluskoj,” shkruan ajo në përshkrim. Ama, mos e merrni seriozisht. Implantet e gjoksit nuk pluskojnë në ujë.
View this post on Instagram
Në maj, Cardi dha një intervistë për Entertainment Tonight, ku ndër të tjera, foli edhe për zmadhimin e gjoksit pasi lindi të bijën, Kulture. “Ribëra gjoksin,” tha ajo. “Ndihem mirë, por ndonjëherë jo. lëkura është e tërhequr. Vajza më shkatërroi trupin. Është e vërtetë.”
Shpeshherë, reperja është kritikuar për ndërhyrjet kozmetike dhe e kanë këshilluar të stërvitet e të hajë shëndetshëm. Përgjigjja e saj? Perfekte.
“Unë jam në punë 24 orë në ditë. Kështu që jo, nuk kam kohë të stërvitem,” tha ajo. “Unë doja gjëra specifike që nuk realizohen me stërvitje. Si puna e gjoksit. Sado të ushtrohem unë, nuk do të ngrihen papritur. Prandaj duhet të bëja ndërhyrje.”
