Që Ylli Limani ka një shpirt romantik, kjo duket fare qartë në çdo këngë të re që i servir publikut. Tekste të ndjera, fjalë dashurie për ndarje, a histori të pamundura. Nga buron i gjithë ky frymëzim? Sigurisht që nga vetë këngëtari!
Gjatë intervistës së dhënë për Klan Kosova pas performancës në Sunny Hill Festival, Ylli zbuloi pse është kaq i dhënë pas baladave dhe këngëve që flasin për gjithë dimensionet e dashurisë.
"Unë jam mësuar t'i kem këngët nën kontroll. Si muzikën edhe tekstin. Amendi dhe Aida, që janë të pazëvendësueshëm në botën e muzikës, janë njerëz jashtëzakonisht inteligjent dhe çdo bisedë të gjatë tonën apo problem timin dashurie e kanë përpirë dhe çdo fjalë është në tekst."- tregon ai, duke zbuluar gjithashtu se jo më kot, këngët e publikuara këtë vit kanë qenë kaq romantike!
"2019-ta ka qenë pak si vranët në dashuri, ishalla 2020-ta ndryshe!"- vazhdon Ylli, që sidoqoftë e ka të qartë se kur do të martohet. Deri para të 30-ve s'ka asnjë shans, kështu që kemi kohë mjaftueshëm për të shijuar në maksimum këngë dashurie e ndarjesh!
