Kafeja apo çaji i kafeinuar që konsumohet para gjumit, nuk ka asnjëfarë ndikimi në cilësinë e gjumit.
Në këtë përfundim dolën studiuesit e Florida Atlantic University dhe Harvard Medical School që monitoruan nivelet e konsumit të kafeinës, alkoolit dhe nikotinës së 785 njerëzve përgjatë 5,164 ditëve. Gjithashtu, studiuesit përdorën sensorë që regjistronin kohëzgjatjen e gjumit, efiçencën dhe sa shpejt zgjoheshin subjektet pasi i rrëmbente gjumi.
Studimi nxorri në pah se nikotina dhe alkooli kanë efekt negativ në cilësinë e gjumit – një cigare para gjumit pakëson kohëzgjatjen me 42 minuta – ndërsa kafeina s’ka asnjë lloj efekti.
Studiuesit u habitën nga ky rezultat, por në të vërtetë, thjesht konfirmon zbulimet e studimeve të tjera.
Ideja se konsumimi i kafesë para gjumit nuk ju lejon të flini është thjesht një mit. Nëse keni pirë kafe për 10 vjet dhe papritur keni probleme me gjumin, me shumë mundësi, fajin s’jua ka kafeja. Ama, nëse e dini se jeni të ndjeshëm ndaj kafeinës, shmangeni.
Të tilla situata janë të lehta për tu menaxhuar. Tregohuni të vëmendshëm ndaj shenjave që ju jep trupi dhe reagoni në mënyrë të përshtatshme.
