KESHILLA PER BLERJET TUAJA
Shqipëria

Shqiptarit i zbulohet mashtrimi pasi fitoi Lotarinë Amerikane dhe gjejeni ç'ndodhi pastaj

Shkruar nga Anabel

9 Gusht 2019

Çlirim Tupi, nga fshati Zabzun i Dibrës, fitoi Lotarinë Amerikane. Siç e kërkon procedura, Tupi u paraqit për intervistë në Ambasadën Amerikane bashkë me një diplomë gjimnazi, në të cilën shkruhej se mëson me hope dhe sillet shumë mirë.

Vetëm se diploma ishte e falsifikuar. Dhe ambasadës s’i shpëton gjë.

36-vjeçari nuk e ka frekuentuar asnjë ditë gjimnazin, por i duhej një diplomë medoemos. Kështu që, gjeti dikë që mund ta gjente, i dha dy mijë euro dhe priti. Si rezultat, Tupi përfundoi me një diplomë të firmosur nga ish-drejtori i shkollës, Dashnor Hysa.

Ambasada nga ana tjetër kreu verifikimet e nevojshme. Përfaqësuesit e dërguar në shkollën “Shefqet Dosku” në Dorëz, Librazhd, kontaktuan me stafin pedagogjik dhe zbuluan se fituesi kishte dorëzuar dokumente false. Vula në diplomë ishte e vërtetë, por Tupi nuk rezultonte i regjistruar në indeksin e amzës.

Tupi u detyrua të tregojë të vërtetën dhe ashtu siç u bë realitet, ëndrra amerikane iu rrënua para syve. Pas një hetimi disa mujor, Prokurori dërgoi para gjykatës Tupin dhe drejtorin e shkollës që e “diplomoi.”

Burimi: Top Channel

Shtepi ne shitje

MOS I HUMBISNI