Sabrina Lekaj, 20 vjeçe, u gjet e pajetë në brendi të makinës së saj në Adelaide në Autrali. Pranë saj ishte i ati, Petrit Lekaj, që akuzohet se e vrau sepse kishte dalë me shoqet një natë më parë.

Sabrina dhe shoqet e saj shkuan në një club natën para ngjarjes tragjike dhe thuhet se ishte e shqetësuar mos i bërtiste i ati kur të kthehej në shtëpi. Pasi kërceu me mikeshat e saj, Sabrina vendosi të flinte në shtëpinë e shoqes së ngushtë.

Mesazhi i fundit që ajo dërgoi ishte “të dua, të shkruaj kur të shkoj në shtëpi,” drejtuar një shoqeje, Kat Valstar. Por fatkeqësisht, Sabrina nuk arriti dot në shtëpi.

“Ishim shoqe të ngushta, flisnim gjithë ditën bashkë. Kishim plane bashkë këtë javë, do të dilnim për drekë. Sabrina i gjendej pranë kujtdo që kishte nevojë për të. Vinte gjithnjë të tjerët para vetes,” tha Kat.

Sabrina u diplomua nga shkolla e mesme me një notë prej 99.35/100 dhe studionte piano dhe imazheri në University of South Australia.

Babai i saj, gjithashtu në gjendje të rëndë shëndetësore, ndodhet në spital dhe ruhet nga forcat policore. Fqinjët thonë se pak orë para tragjedisë, Petrit Lekaj po kosiste i qetë oborrin para shtëpisë.

Burimi: Mirror