Era Rusi e dinte mirë kur tha se gjithë ish-at kanë qarë për të, e dinte mirë ç’po bënte. Sepse, fajtorët duket se kanë qenë gjithnjë ata!

E ftuar pasditen e djeshme tek “E Diell”, Era tregoi se fatkeqësisht e ka përjetuar tradhtinë. Më keq akoma, e ka kapur me sytë e saj partnerin në gabim!

“Unë nuk jam natyrë grricëse, por Zoti m’i sjell vetë gjërat. Një ditë më ishte fikur telefoni, por duhet të shkoja në koncert. Ia marr telefonin shokut tim dhe i kërkoj atij të marrë disa tualete tek makina kur ndërkohë i vjen një mesazh nga një numër që unë nuk e njihja ku shkruhej: “Mirë faleminderit”. Aq desha unë!”- tregoi këngëtarja.

Por si vazhdoi historia?

“Unë e kam shtëpinë në kat të 7-të dhe shoku e ka bërë rrugën për 30 sekonda nga sikleti. Kur ai erdhi lart, unë nuk reagova dhe ia ktheva mbrapsht telefonin. Kur mbërrij afër vendit të koncertit, i kërkoj sërish të ma jap telefonin dhe gjejeni pak. Mesazhi nuk ekzistonte më! Hë ma sqaroni pak se përse e kishte fshirë?”- vazhdoi Era, por kësaj dukej shumë e qetë teksa kërkonte “një sqarim”.

Ndonëse këngëtarja nuk e specifikoi nëse e gjithë kjo kishte ndodhur në romancën e saj të fundit, e rëndësishme është që e ka hedhur pas krahëve dhe mund ta tregoj si një histori të lezetshme nga e shkuara.