Kylie Jenner vendosi të marrë një pushim nga fotot seksi të pushimeve për të reflektuar pak rreth vetes, ankthit dhe procesit të rritjes në sy të publikut.
Ndër të tjera, ajo iu referua se si edhe njerëz që kanë hyrë dhe dalë nga jeta e saj (përfshi këtu Jordyn Woods), kanë ndikuar shumë emocionalisht tek ajo.
Në foton e publikuar pak orë më parë në llogarinë e saj të Instagram-it, Kylie shkruan:
“Jam krenare për veten, zemrën dhe forcën time. Të rritesha para syve të miliona njerëzve s’është shumë normale. Kam humbur miq gjatë rrugës dhe shpesh herë, kam humbur edhe veten. Tatuazhi im i parë ishte “sanity” (mendje e shëndoshë), për t’i kujtuar vetes çdo ditë që duhet të kujdesem për të. Kam patur probleme me ankthin gjatë gjithë adoleshencës sime dhe pasi vajza erdhi në jetë u mundova të përballoj gjithë ulje-ngritjet e ditëve të mia. E ndjeja që duhet ta gjeja veten sërish.
Mbaj shumë për vete, por dua që ju ta dini se në fund të ditës jam njeri. Jeta ime s’është perfekte dhe çfarë ju shihni në rrjete sociale është vetëm sipërfaqja. Tregohu i mirë me veten, ec përpara dhe lëri të shkojnë. Ne jemi në gjendje të bëjmë gjëra të mëdha, që ja vlejnë për dashurinë dhe për të shprehur veten. Bëj më shumë çfarë të bën të lumtur. Tani është koha jote!”- shkruan Kylie dhe deri më sot, nuk kujtojmë të ketë thënë ndonjë gjë më me vlerë dhe të zgjuar se kaq.
Kjo deklaratë, vjen menjëherë pas lajmeve që kanë qarkulluar së fundmi rreth saj dhe familjes. Burime për “People” bënë me dije se ajo dhe Travis janë gati për një bebush të dytë dhe po përpiqen.
Gjithsesi, e vërteta e saj fshihet mes rreshtave më sipër, kështu që sikur t’i lexonim disa herë, s’do humbisnim kohë!