Përgatituni për lajmin më shokues të ditës: një 4- vjeçar mund të jetë rimishërim i Princeshë Diana- s! Prezantuesi australian, David Campbell shkroi një artikull befasues për “Stellar Magazine” ku u shpreh se ky ishte teksti më i çuditshëm që kish’ shkruar në jetën e tij, teksa rrëfeu se i biri 4- vjeçar, Billy këmbëngul prej më shumë se një viti e gjysmë se “dikur ka qenë princeshë”.
“E gjitha nisi kur dikush i dha gruas sime, Lisa- s, e cila është britanike 24 karatëshe, një kartolinë me imazhin e Diana- s të stampuar në të. Billy drejtoi gishtin mbi portret dhe tha: Shiko! Jam unë kur isha princeshë.”
Ndonëse prindërit nuk kishin ndarë asnjë detaj rreth familjes mbretërore britanike me të birin, ky i fundit nuk ndaloi së përsërituri deklaratën në fjalë. Po kështu, 45- vjeçari rrëfen se në bisedë e sipër, vogëlushi përmendi “djemtë” që pati dikur kur “ishte princeshë”. Po kështu i la prindërit pa fjalë kur përshkroi me saktsi rezidencën Balmoral të familjes mbretërore.
“Një mikut tonë skozec, Bily i tha se kur ishte princeshë Diana shkonte vazhdimisht në atë vend të mrekullueshëm ku kishte njëbrirësha.”
Sa për dijeninë tuaj, njëbrirëshi është kafshë kombëtare e Skocisë (nëse mund të shprehemi kështu) dhe rezidenca në Balmoral është “e stolisur” me krijesat mitike.
Billy u tha prindërve se gjatë jetës si princeshë pati një vëlla, John- in; një deklaratë që i shikoi prindërit fill pasi ata lexuan biografinë e Diana- s.
“Shtangëm. Vëllai i Diana- s, John- i vdiq një vit pasi ajo erdhi në jetë.”
Po kështu, Billy u tregoi prindërve edhe për momentin kur ndaloi së qenuri princeshë.
“Një ditë sirenat erdhën, më morën dhe unë nuk isha më princeshë,.” duke iu referuar kështu aksidentit tragjik të 1997- s në Paris.
“A mund të jetë ai vërtet rimishërim i Princeshës?” përfundoi shkrimin David.
Vërtet, a mundet?
