KESHILLA PER BLERJET TUAJA
Astro Fun

Kini kujdes! Mërkuri në prapavijë do t’ju bëjë të riktheheni me ish-in

Shkruar nga Anabel

12 Korrik 2019

Zakonisht, përpiqemi t’i shmangim ish të dashurit tanë, por ndonjëherë, planetet marrin kot dhe na nxjerrin nga rruga e drejtë. Më 7 korrik, Mërkuri, planeti  komunikimit, hyri në prapavijë. Çdo gjë po ecën mbrapsh dhe ne ndihemi më nostalgjikë se më parë për të kaluarën, përfshirë njerëzit me të cilët ishim.

Mos e lejoni Mërkurin t’ju shpërqëndrojë. U ndatë për një arsye. Lexoni në vijim për të zbuluar nga çfarë tundohet shenja juaj dhe si t’i bëni ballë pikërisht këtij tundimi deri më 31 korrik, kur Mërkuri të kthehet në vijë të drejtë. Në të kundërt, hidhni telefonin në kosh dhe jetoni si eremit.

Dashi: Arritjet

Mos vallë ishi juaj po mburret nëpër rrjete sociale për gjithë arritjet e kohëve të fundit për të vërtetuar sa i zoti dhe i paparë është? Kjo lëvizje nuk funksionon me të gjithë, por meqë ju jeni të dhënë pas konkurrencës, do të josheni sërish. Mos bini pre e tundimit. Punoni për gjërat tuaja dhe mburruni për veten në Instagram.

Demi: Darkë në një restorant fantastik

Që kur u bë kaq i dhënë pas ushqimit ishi juaj? Ai deri dje hante te fast-foodi poshtë punës, por krejt papritur ju fton në restorantin më në zë të momentit. E dimë që ju shijon shumë një vakt i gatuar nga dora e një chefi të bekuar, por refuzojeni.

Binjakët: Një tek mesazh

Prisni prej kohësh që ishi t’ju shkruajë që të “sqaroni muhabetin,” dhe fiks në momentin që ju hoqët dorë dhe filluat të bënit para, ju vjen një mesazh. Qoftë një DM apo një letër e shkruar me dorë, këto mesazhe nga e kaluara nuk do t’ju sjellin asgjë të mirë.

Gaforrja: Vleësimi

Si Gaforre, lidhjet emocionale kanë shumë rëndësi për ju. S’e keni të lehtë të dilni nga guacka juaj, por kur dilni, e bëni për një arsye të rëndësishme. Javët në vijim, ishi juaj do të përpiqet të përfitojë nga ndjeshmëria juaj. Bllokojini nëse fillojnë t’ju bëjnë like krejt papritur në Instagram ose nëse reagojnë ndaj një postimi. Vlerën tuaj e keni ju në dorë.

Luani: Romanca

Ju jeni të dhënë pas çdo gjëje që ju bën të ndiheni mbretërorë dhe të rëndësishëm. Gjatë Mërkurit në prapavijë, ishi do të tentojë t’ju bëjë për vete me gjeste që duken sikur janë bërë posaçërisht për ju – si për shembull, një citat nga libri juaj i preferuar. Qëndroni me këmbë në tokë dhe bëni para.

Virgjëresha: Ndjesa

Nëse ishi rikthehet në jetën tuaj me një listë të gjatë justifikimesh, shpjegimesh dhe arsyesh për gjithçka që nuk shkoi mirë gjatë lidhjes suaj, vraponi dhe mos e ktheni më kokën pas. komunikimi ka shumë rëndësi për ju dhe prandaj ky ndryshim mund t’ju duket me vlerë, por na besoni, s’është i sinqertë.

Peshorja: Joshja

Shenja juaj e merr serizoisht harmoninë dhe diplomacinë, kështu që nëse ishi tenton t’ju joshë, ju do ta joshni mbrapsh. Por po ju paralajmërojmë, Mërkuri në prapaviijë është thjesht një iluzion optik dhe po ashtu, perspektiva jonë shformohet. Pas 31 korrikut do të kuptoni se disa nga veprimet e ishit tuaj s’ishin aspak të balancuara. Mos e lejoni t’ju prishë drejtpeshimin.

Akrepi: Ai mesazhi natën vonë

Ju intrigoheni nga misteret e jetës dhe kjo ju bën dashnorë të paharrueshëm. Për fat të keq, mahnitja nga pasioni do të bëjë të bini pre e tundimit. Mos shkoni me ishin gjatë Mërkurit në prapavijë, është thjesht humbje kohe. Zjarri është shuar. Përdoreni energjinë për dikë tjetër, më të mirë.

Shigjetari: Një aventurë

Ju jeni gjithmonë gati për një udhëtim, por i radhës s’duhet të jetë kurrsesi me ishin. Gjatë Mërkurit në prapavijë, ndoshta merrni vesh se ishi juaj është i gatshëm të bëjë çfarë të doni ju, por mos u mashtroni. Të eksplorosh natyrën është qejf, por të eksplorosh një lidhje të dështuar jo.

Bricjapi: Një strategji

Pra ishi juaj po përpiqet të rithehet në jetën tuaj me një prezantim në Poëerpoint. Edhe pse jemi të sigurt që e vlerësoni mundimin, ju rekomandojmë të prisni deri më 31 korrik. Pas asaj date do të mund t’i shihni gjërat më qartë. Plus, nëse qëndrojnë pranë jush edhe dy javë, do të kuptoni në e kanë seriozisht.

Ujori: Vizionari

Si Ujor, jeni eksentrikë, shpirtra të lirë që i urreni rregullat. Nëse ishi juaj rikthehet papritur dhe shfaqet kudo, ju shkruan pafund dhe pa karar, tregojini vendin pa u menduar dy herë. Dhe nëse gjëja merr përmasat e përndjekjes, mbroni veten e më pas zemrën.

Peshqit: Ëndrrat erotike

Jeni shenja më hyjnore e zodiakut, kështu që mos u habisni nëse shihni ëndrra për ish të dashurit tuaj. Ëndrrat kanë më shumë domethënie për ju sesa për të tjerët. Edhe nëse ju shkruajnë, mos mendoni se ishte e shkruar të ishit bashkë. Sytë te e ardhmja, jo e kaluara.

Përshtatur nga Cosmopolitan

MOS I HUMBISNI