E njihni Billie Eilish besojmë? U bë shumë popullore, shumë shpejt. Albumi i saj i parë, “When We All Fall Asleep, Where Do We Go,” pati sukses të jashtëzakonshëm dhe ajo vetë i ra në sy pikërisht atij që duhej t’i binte në sy: Justin Bieber.

Billie, kur ishte më e vogël, ishte një ndër fanset më të mëdha të Justin. Siç lë të kuptohet dhe kjo foto, që shërben si cover art për duetin e Billie dhe Justin, një rikrijim i “bad guy,” këngës më dëgjuar të albumit. Në foto, vihet re Billie, veshur me diçka që s’do e vishte kurrë sot, njëfarësoj fustani me xixa dhe ngjyra. Në sfond dallohen disa postera të Justin, plot katër. Kur tha se ishte fanse, e kishte seriozisht.

Në një intervistë me Pitchfork, Billie përmendi pesë artistë që influencuan rrugëtimin e saj në muzikë: Avril Lavigne, Childish Gambin, Lana Del Rey, Tyler the Creator dhe sigurisht, Justin Bieber.