KESHILLA PER BLERJET TUAJA
Celebrity

Miley Cyrus e urren ta quajnë ‘bashkëshorte.’ Por pse?

Shkruar nga Anabel

11 Korrik 2019

Miley Cyrus, këngëtare dhe aktore, ju bën me dije se ka një problem madhor me etiketimin “bashkëshorte.” Para se të vrenjteni dhe të pyesni veten pse, dëgjoni argumentat. Në një intervistë për Elle, Miley flet shkurtimisht për lidhjen e saj me Liam Hemsworth dhe bën mëse të qartë se për të, fraza “bashkëshorte” është arkaike.

Siç mund ta dini, Miley dhe Liam u martuan në dhjetor të 2018-s, pas një fejese të mëparshme që dështoi. Që atëherë, janë kthyer në çiftin e preferuar të të gjithëve. Por, Miley mendon se shumë njerëz s’e kuptojnë martesën e tyre. “Njerëzve iu duket i çuditshëm fakti që unë jam e martuar. Por marrëdhënia ime është unike,” tha ajo për Elle. “Sjam e sigurt në do t’i bëja publike ca detaje sepse është një lidhje shumë komplekse dhe moderne. Mendoj se njerëzit s’do të më kuptonin.”

 
 
 
 
 
View this post on Instagram
 
 
 
 
 
 
 
 
 
 
 

A post shared by Miley Cyrus (@mileycyrus) on

Më pas, Miley shpjegon se edhe pse është martuar me një burrë, tërhiqet ende seksualisht nga vajzat. Dhe mos mendoni se është shtëpiake tipike.

“Vërtet mendoni se rri në shtëpi me përparëse vënë dhe gatuaj darkën? Jam në një lidhje heteroseksuale, por vijojnë të më tërheqin vajzat,” tha ajo. “Unë zgjodha partnerin. Ky njeri më ka ruajtur shpatullat gjithmonë. Jam e bindur që nuk i përmbush kriteret për të qenë një bashkëshorte stereotipike. As që më pëlqen si fjalë.”

Kur u pyet mbi martesën e prindërve të saj, ajo tha se e respekton faktin që s’i përdorin etiketimet “burrë dhe grua”. “Kanë qenë gjithnjë partnerë. Prandaj më pëlqen si fjalë,” tha ajo. “Burrë dhe grua tingëllon si një sllogan i dalë nga një reklamë cigaresh e viteve ’50.”

Miley dhe Liam, partnerë në krim.

MOS I HUMBISNI