Rreth dy vite më parë, Loredana u bë e njohur si “e dashura e Mozzik”. Asokohe, ajo kishte blogun e saj në Instagram ku postonte foto për makeup-in, veshjet dhe stilin e jetesës.

Pasi doli publikisht me reperin në qershor të 2017-s, Loredana u bë objekt lajmesh. Për muaj me radhë, portalet flisnin për romancën e tyre, ku herë ishin të ndarë, e herë bashkë më të dashuruar se kurrë.

Loredana nuk është rasti i parë në listën e vajzave që u bënë të famshme si “e dashura e filanit” dhe më pas u bënë ndoshta më të njohura se vetë ata (kujto: Dua Lipën dhe Ledri Vulën, Andrra Destanin dhe Sinan Hoxhën, Afërdita Dreshajn dhe Shpat Kasapin, Klaudia Pepa dhe Albi Nakon etj).

Para se t’i përkushtohej muzikës, reperja ra në sy për stilin e veçantë në të veshur, që karakterizohej nga veshjet e gjera,

dhe videot me kërcimin e saj identifikues.

Në prill të një viti më parë, nisën dyshimet e para se Loredana – e cila tashme kishte një numër të konsiderueshëm ndjekësish – do t’i futej muzikës. Gjithçka nisi me videon ku reperja këndonte një pjesë nga kënga “Sonnenbrille”, e cila u publikua në qershor të 2018-s.

“Sonnenbrille” i siguroi Loredanës një vend të mirë në listën e repereve që shpërthyen një vit më parë, duke eksperimentuar në një kategori muzikore të dominuar nga djemtë.

Të tjera bashkëpunime me partnerin, Mozzik, si “Bonnie & Clyde”

dhe “Romeo & Juliet”

e bënë të famshëm emrin e saj në tregun shqiptar, gjerman dhe atë zvicerian.

Nuk ka kurrë publicitet të keq, ndaj jo më kot ndjekësit e reperes u shtuan në numër pas skandalit për mashtrim dhe zhvatje. Sipas Likeometer.co, pas skandalit që bëri bujë në media më 7 maj, reperja humbi fillimisht 300 fansa, por në vijim shifrat u rritën orë pas ore. 24 orë më vonë, Instagrami i Loredanës u shtua me 4000 ndjekës të tjerë, pasuar nga 20,000 dhe kështu me radhë.

Deri në mars të këtij viti, Loredana numëronte 1,264,579 ndjekës në Instagram, ndërsa sot ka më shumë se 1,500,000

ndërkohë që Mozzik nga ana tjetër numëron 1,000,000.

Jo vetëm në numër ndjekësish, por duket sikur reperja po lë në hije partnerin edhe në muzikë. Dje, të dy publikuan nga një projekt muzikor të mëvetësishëm; përkatësisht Loredana “Jetzt rufst du an”, ndërsa Mozzik “Pinocchio” në bashkëpunim me Luciano.

Ndonëse bashkëpunim, “Pinocchio” ka rreth 460,000 shikime në YouTube, ndërkohë që kënga e reperes e ka kaluar shifrën e 2,700,000 shikimeve.