Së fundmi, Mariza Ikonomi ishte e ftuar në emisionin “Trokit”, ku gjatë bisedës me moderatorin Ermal Peçi u pyet rreth 4 pagesave për të cilat është penduar që ka shkuar në koncerte.
"200 mijë lekë, 150 mijë lekë, 1500 euro dhe 500 mijë lekë. Unë kam një tip që bëj shumë edhe për shoqërinë dhe ndonjëherë them më mirë mos m'i japësh fare." u shpreh Mariza.
E pyetur se ç'kishte ndodhur me pagesën 1500 euro, këngëtarja tregoi se ishte "një rast i shpifur".
"Ishte rast shumë i shpifur. Ai shikonte gjatë gjithë kohës, bëri një skenë... sa unë preferova më mirë të mos merrja lekët e të kisha dinjitetin tim, lekët nuk i mora fare." tregoi Mariza.
Ju kujtojmë se në një intervistë të fundit për "Thumb" edhe këngëtarja Orgesa Zaimi foli rreth çështjes së pagesave në koncerte.
Përveç koncerteve të bamirësisë, ku paguhet shumë pak ose nuk paguhet fare, Orgesa Zaimi tregoi se është paguar më pak në koncertet e organizuara nëpër rrethe. Ndryshe nga ç’ndodh zakonisht me këngëtarët, të cilët nuk pranojnë të përmendim shifra specifike, Orgesa tregoi se pagesa më e ulët ka qenë 10,000 lekë ose 100,000 lekë të vjetra. Po kështu, ajo shtoi se nëpër dasma paguhet më mirë, ku ndër të tjera performon edhe muzikë popullore që prej kohësh është bërë pjesë e repertorit të këngëtares.
