Me siguri që e keni lexuar që Dafina Zeqiri po përflitet se është në një romancë me DJ Geek, me të cilin realizoi pak kohë më parë edhe këngën “ALO”. Deri tani, asnjë prej tyre nuk ka reaguar, megjithëse me një kontroll të shpejtë në Instagram vumë re disa detaje të dyshimta.
Dafina Zeqiri dhe blogerja nga Kosova, pjesë e “E Diell”, Argjira Spanca, ishin mikesha deri pak kohë më parë. Ato e ndiqnin njëra-tjetrën në Instagram, komentonin vazhdimisht
si edhe shfaqeshin në shoqëri të përbashkët. Sot, Dafi dhe Argjira nuk ndiqen me njëra-tjetrën.
Dakord, po ç’lidhje ka kjo? Prisni. Për vite me radhë, saktësisht tetë vite, Argjira ishte e lidhur me DJ Geek, ose ndryshe Genc Halimin.
Në një intervistë për “Thumb” në maj të këtij viti, blogerja pranoi “ishte e lidhur me Gencin për tetë vite”.
“Është hera e parë që po flas për këtë pjesë sepse nuk kam folur kurrë në jetë dhe e kam mbajt shumë për vete. Me Gencin ka qenë lidhja ime e parë dhe e respektoj akoma shumë, është shumë njeri i mirë,” tha ajo. “Ndarja erdhi jo për një arsye të caktuar po shumë thjesht, secili në punën e vet. Po ndahen njerëzit me fëmijë. Jo realisht nuk ka pasur ndonjë arsye të caktuar.”
Sigurisht që raporti mes vajzave mund të jetë prishur për një sërë arsyesh, kur një ndër to ka gjasa të jetë edhe lidhja e Dafinës me Gencin...gjithmonë nëse është e vërtetë.
