Mbrëmjen e djeshme u publikua projekti muzikor “Qikat”, i cili bëri bashkë Adelina Ismailin dhe Rina Balajn. Versioni i ri i “Kanagjegji” të Ismailit u risoll në një klip ekstravagant, me veshje provokuese dhe lëvizje sensuale.

Por le të ndalemi te teksti.

Ndryshe nga çfarë Adelina këndonte dikur, “Ani qika ani, ecni e mos ngani, lum për dadën o”

në klipin në fjalë, artistja dëgjohet të thotë: “Lum për mamin o”.

Ju kujtojmë se “Mami” është mënyra se si Rina ka preferuar të vetëquhet, një mënyrë kjo për t’u diferencuar nga pjesa tjetër e repereve.

“Mami” u shndërrua gjithashtu në fjalën kyçe të luftës së diss- eve mes saj dhe Tayna- s. Rina këndoi “krejt e din kush o mami” e ndërsa Tayna “t’kallxoj unë kush o mami”.

Pikërisht në një situatë të tillë, Adelina përpiqet t’i vendosë vulën e saj situatës duke shpallur Rinën “Mami”. 

Përsa i përket bashkëpunimit në fjalë, në një intervistë për “Gjesi” në T7, Ismaili zbuloi arsyen pse vendosi të këndojë me Balajn.

“U takuam te parukieri ynë i përbashkët,” tha ajo. “Më ka pëlqyer edukata e saj. U prezantua si sheqer, shumë e ëmbël, shumë e mirë. Te mosha e saj, të qenurit kaq e edukuar është e rrallë.”

Më tej, Adelina thekson se fakti që Rina studion në Akademinë e Muzikës ndikoi më shumë. “Ma bëri zemrën copa-copa. Për ata që studiojnë në Akademinë e Muzikës e kam njëfarë dobësie. Nisa ta dëgjoja dhe pashë një stil të veçantë.”