Pas daljes me kostum sportiv, taka klasike dhe vathë gjigandë, Rihanna nuk lë shumë kohë për të na surprizuar sërish. Ylli i pop-it ndodhej në New York për të festuar linjën e re të Fenty-it dhe gjejeni çfarë?
Veshi fustanin që s’do të donim ta hiqnim nga trupi gjatë gjithë verës! E gjitha në rozë, Rihanna u shfaq me flokë gërshet dhe aksesorë që zor se mund t’ua hiqje sytë!
Ky fustan i mëndafshtë ka fuqinë të nxjerrë më të mirë e siluetës sonë, ndonëse Rihanna bën magji me çdo gjë që mban veshur.
Thuhet se diva shkoi 3 orë më vonë pasi mbrëmja kishte filluar, por hyrja e saj ishte kaq madhështore sa kush nuk do t’ja falte?
