KESHILLA PER BLERJET TUAJA
Kinema & TV

Ky serial ka aq shumë skena seksi, sa një aktor hoqi dorë gjatë xhirimeve

Shkruar nga Anabel

13 Qershor 2019

Nëse nuk e dinit, pak vite më parë, një episod i “Westworld” (HBO) pati një skenë skandaloze orgjie që përfshinte prekje gjenital me gjenital dhe aktorë që spërdridheshin sipas nevojës teksa ishin tërësisht lakuriq. Ishte vërtet skandaloze, por jo aq sa këto skena në serialin e ri të HBO, “Euphoria.”

“’Euphoria’ eksploron jetët e një grupi gjimnazistësh teksa ata navigojnë dashurinë dhe miqësinë në një botë të mbushur me drogë, seks, trauma dhe rrjete sociale.” Të paktën kështu thotë përmbledhja zyrtare e HBO. Sidoqoftë, nuk i referohet skenave tejet eksplicite të seksit. Në një episod, mund të numërohen 30 penisë. Në serinë pilot, ka një skenë ku dy adoleshentë bëjnë seks dhe asfiksojnë njëri-tjetrin erotikisht. “Euphoria” është aq eksplicit, sa një aktor hoqi dorë gjatë xhirimeve.

“Materiali shokues ishte i papërballueshëm për një nga aktorët e kastit kryesor. Teksa po xhironte serinë e parë, Brian “Astro” Bradley kërkoi të largohej nga projekti. Detajet e largimit u mbajtën të fshehta, por burime thonë se Bradley nuk ndihej komod me disa skena që s’ishin në skenarin origjinal që sugjeronin se personazhi i tij do të eksperimentonte me homoseksualitetin në episodet e ardhshme. Pas një diskutimi të tejzgjatur me producentët, HBO e zëvendsoi Bradley-n me Algee Smith.

Kur u pyet për zëvendësimin, Sydney Sweeney, që ka një skenë intensive seksi me personazhin e Bradley-t, e më vonë të Smith, tha, “Le të themi që jam shumë e lumtur që personazhin po e luan Algee.”

Nejse, 30 penisë në një episod. “Euphoria” për herë të parë në HBO më 16 qershor.

MOS I HUMBISNI