Jo më larg se sot në mëngjes, moderatoren e emisionit të mëngjesit në Report Tv, “Rreze Dielli”, si për dreq e kapi e qeshura live në emision. Bela Mero e pati të pamundur të kontrollonte të qeshurën (fundja pse duhet ta bëjë) pasi siç dukej i kujtohej biseda e bërë me bashkë-prezantuesin, Albanin, gjatë reklamave. “Kur Belën e kap e qeshura live. S’ke ç’i bën, kështu është kur ke një partner karagjoz,” shkruan Albani në Instagram.

Nisur nga kjo, le të kujtojmë disa raste të tjera kur moderatoret shpërthyen në të qeshura live në emision.

Teksa Fatos Lubonja komentonte një foto të kryeministrit Rama me një papagall, Mirela Milori vetëm qeshte.

Po kështu edhe Rudina Magjistari, e cila shpërtheu në të qeshura për shkak të një lapsusi të Zonjës Tefta.

Kur drejtonte emisionin e pasdites në Vizion Plus, Anila Çela gjithashtu e pati të pamundur të mos qeshte fill sapo e ftuara u shpreh se “emrin e vajzës e ka vendosur si kod në Instagram”.

Listës iu bashkua edhe Stela Kotri:

Përfundojmë me një ndër momentet më epike në televizionet shqiptare: Pranvera Borakaj! "Aman se e kisha harruar këtë. Ndërsa bënim lidhjen me Skype, korrespondenti nuk e mbante videon nga zonja Rita, por nga shtëpia dhe në dhomë lëvizte i shoqi me tuta, se ora 9 e mëngjesit. Unë insistoja që ta kthenim kamerën nga vetja, por ishte e pamundur. Dhe në momentin që e ktheu, aty u ndërpre lidhja. Ndërsa unë bëja pyetje, shikoja vetëm një zotëri që lëvizte me tuta në dhomë dhe e ftuara nuk ishte asgjëkundi," shkroi Pranvera në nëntor të 2018-s.

Shtojcë: Nuk ka ndodhur live, por gjatë momentit të xhirimit të emisionit, megjithatë po e bëjnë pjesë të listës edhe këtë video të Ermal Peçit me Blerina Brakën. Ju garantojmë të qeshura pafund.