Gocat e Anabelit mbështesin me gjithë zemër konkurrencën e drejtë, atë të tregut të lirë. Kështu që, secila nga të pesta doli rrugëve të Tiranës për të mbledhur para në një mënyrë ose në një tjetër.

Pra, Viola iu drejtua rrugëve të liqenit për të shitur Bana King, plot 100 lekë copa. Por luajti pistë sepse u tha të gjithëve se të gjitha përfitimet do të shkonin për bamirësi.

Alberta u vendos përballë Bibliotekës Kombëtare dhe shiti dije, ose ndryshe, kuriozitete për florën, faunën, politikën, gjeografinë dhe gjëra të parëndësishme rreth Shqipërisë. Siç mund ta merrni me mend, ajo humbi në këtë sfidë.

Dea iu drejtua tregut të rrobave të përdorura dhe shiti rroba të sajat për shumë herë më pak nga ç’i kishte blerë. Nëse keni fantazuar ndonjëherë Dean që thotë “rroba të lira, të mira gra,” ky është momenti yt.

Ana pushtoi pedonalen me një performancë të papërmbajtur këngësh të shumëllojshme. Shumica e performancës konsistonte në Anën që ndiqte njerëzit dhe u kërkonte lekë ose llogari pse s’po i jepnin lekë. Diku, Adi Krasta shfaqet papritur.

Megi dhe frutat e thata Palma u bënë qendra e vëmendjes në Vorë. Për të zbuluar si i quajnë banorët e Vorës, ndiqni episodin e trembëdhjetë.

*Gjithë lekët e mbledhur do të dhurohen për bamirësi.