KESHILLA PER BLERJET TUAJA
Karakteristikat e Shenjave

Pse s'merreni vesh me një Luan, Akrep dhe Dem, jua themi tani!

Shkruar nga Anabel

10 Qershor 2019

Të gjithëve na qëllon të jemi kokëfortë me raste, por me siguri keni dikë pranë që është gjithmonë i tillë?! Aq sa të lodh nga këmbëngulja për t’i dalë e tija. Siç mund ta merrni me mend, edhe ky tipar personaliteti vjen falë universit, kështu që mos i vini faj. Është e shkruar në yje.

Cilët janë më “kokëderrët” e horoskopit? E zbuloni tani!

Demi

Që nga brirët mund ta dalloni vështirësinë që kanë për t’u bindur. Ata janë një prej shenjave më të vendosura dhe zakonisht dalin në përfundimet që duan vetë. Nuk ka asnjë shans që të ndikohen nga të tjerët, prandaj shpesh herë puna dhe lidhjet me ta mbeten të vështira.  Si t’ja bëni? Tolerojini ose hiqni dorë përfundimisht.

Luani

Shenja më pasionante e zodiakut pëlqen që të gjithë të bien dakord me idetë dhe vendimet e tyre. Gjithsesi, kokëfortësia e tyre shpesh vepron për mirë, pasi ndryshimet që bëjnë në jetë janë pozitive dhe të mirëmenduara. Për ta balancuar kokëfortësinë e tyre, duhet të provoni gjëra të reja dhe të eksperimentoni për t’i shpëtuar rutinës. Një Luan do ta vlerësonte këtë.

Akrepi

Kur një Akrep e ndan mendjen, e ndan dhe pikë! Ata janë të dedikuar ndaj mendimeve, opinioneve dhe ideve të tyre. Kjo është gjë e mirë sa herë duan të arrijnë diçka. Gjithsesi, dëshira që kanë për të kontrolluar gjithçka dhe frika nga ndryshimi, shpesh i hap pengesa të reja.

MOS I HUMBISNI