Pas tre muajsh, Nicolas Cage dhe Erika Koike janë përfundimisht të divorcuar. Lajmi në fjalë vjen pas disa javëve procedura, ku ylli i kinematografisë kërkoi anulimin e martesës pas vetëm 4 ditëve, mesa duket për 3 arsye kyçe.
#1 Në kërkesën e tij, aktori pretendonte se ishte nën efektin e alkoolit kur kishte pranuar të lidhte kurorë me Koike-n. Bëhej fjalë për një mbrëmje të vonë në Las Vegas ku 55-vjeçari le të themi ishte bërë tapë.
Po kështu, një tjetër arsye që e shtyu artistin drejt fundit të martesës ishin “mashtrimet”, siç vetë ai u shpreh gjatë procedurave ligjore. Sipas aktorit, 34- vjeçarja Koike ishte e përfshirë në një tjetër marrëdhënie (#2) si dhe kishte një të shkuar kriminale (#3).
Diçka që sigurisht Nicolas nuk mund ta kapërdinte. Për herë të parë nisi të flitej rreth një romance të mundshme mes dyshes në prillin e vitit që lamë pas, ku të dashuruarit u fotografuan pranë e pranë njëri-tjetrit në Puerto Rico, vend ku Cage po xhironte për filmin aksion “Primal”.
Ju kujtojmë se për 10 vite, aktori qëndroi i martuar me Alice Kim-in, me të cilën u nda në 2016-n.
Fryt i kësaj marrëdhënieje është djali i tyre, 14-vjeçari Kal-El Coppola. Ndërkohë në 2002-shin Nicolas qe i martuar me Lisa Marie Presley-n (deri në vitin 2004),
e ndërsa në vitin 1995 (-2001) me Patricia Arquette- n.
