Qimet e tua pubike kanë shumë më tepër fuqi nga ç’mendoni ju. Ju mbrojnë nga infeksionet, mikrobet dhe madje ju ndihmojnë të aksesoni më mirë në klitorin tuaj gjatë një ndërveprimi seksual.
Gjithsesi, bota u dërgon mesazhe të ndryshme grave rreth qimeve në këtë zonë. Nuk ka asgjë të keqe të duash të mos shohësh asnjë qime aty poshtë, por kini parasysh se ka disa gjëra për të cilat duhet të jeni të informuara para se të shkoni tek estetistja.
1. Ke shumë përfitime nëse nuk depilohesh në zonën intime!
Qimet pubike veprojnë si mbrojtëse të organit gjenital femëror. Nuk lejojnë bakteret e këqija të hyjnë tek ju për të krijuar një infeksion. Nëse ju depiloheni vazhdimisht dhe nuk lini asgjë atje poshtë, rreziku për të patur probleme gjenitale është më i madh.
2. Shumica e grave mendojnë akoma se heqja me dyll është më higjenike...
Dhe pse ka një list me përfitime higjene që vijnë nga qimet pubike, shoqëria na ka mësuar të kundërtën. Sa më pak, aq më mirë. Shumica e grave mendojnë se janë më të pastra duke qenë krejtësisht të depiluara në zonën intime. Në fakt, sapo i hapëm rrugë papastërtive për t’u futur!
3. Dëmtimet nga depilimi po bëhen gjithnjë e më të shpeshta
Jo të gjitha estetistet dinë të depilojnë në mënyrën e duhur. Dëmtimet rreth asaj zone jo vetëm që janë të dhimbshme, por duan kohë për t’u rikuperuar.
4. Disa metoda depilimi janë më të sigurta se disa të tjera
Nëse e keni të ngulitur në mendje që s’doni të shihni asnjë qime me sy, ok. Thjesht, tregohuni të kujdesshëm në mënyrën që zgjidhni. Nëse brisku është opsioni i parë dhe i fundit për ju, sigurohuni që ai të jetë i ri, i pastër dhe vetëm i juaji. Nëse zgjidhni dyllin, bëjini një nder vetes dhe mos e aplikoni në shtëpi. Zona juaj intime meriton më shumë vëmendje dhe dashuri.
