Përfaqësuesi i Suedisë John Lundvik u shpall fitues i votimit të jurisë me këngën “Too late for love”. Megjithatë European Broadcasting Union njoftoi se për shkak të një gabimi njerëzor nga juria e Bjellorurisë, rezultati ka ndryshuar.
"Votat e jurisë së Bjellorusisë anullohen pasi u zbuluan nga një anëtar i jurisë që është në kundërshtim me rregullat e Eurovision Song Contest. Për të qenë në përputhje me rregulloren e votimit, EBU bashkëpunoi me partnerin e tij të votimit për të krijuar një rezultat përmbledhës të llogaritur në bazë të rezultateve të vendeve të tjera bashkëngjitur me rezultatet e televotimit, që u miratua nga monitoruesi i votimit Ernst&Young.”
Kështu fituese e votimit të jurisë është Maqedonia e Veriut e përfaqësuar nga Tamara Todevska me këngën “Proud”, që mban vulën e Darko Dimitrov.
Ndryshimi në votim nuk prek fituesin e përgjithshëm dhe as katër vendet e para, ndërsa Shqipëria është ngjitur me një pozicion në rezultatin final.
Rezultatet përfundimtare:
1. Hollanda (498 pikë)
2. Italia (472 pikë)
3. Rusia (370 pikë)
4. Zvicra (364 pikë)
5. Suedia (334 pikë)
6. Norvegjia (331 pikë)
7. Maqedonia e Veriut (305 pikë)
8. Azerbajxhani (302 pikë)
9. Australia (284 pikë)
10. Islanda (232 pikë)
11. Republika Çeke (157 pikë)
12. Danimarka (120 pikë)
13. Qipro (109 pikë)
14. Malta (107 pikë)
15. Sllovenia (105 pikë)
16. Franca (105 pikë)
17. Shqipëria (90 pikë)
18. Serbia (89 pikë)
19. San Marino (77 pikë)
20. Estonia (76 pikë)
21. Greqia (74 pikë)
22. Spanja (54 pikë)
23. Izraeli (35 pikë)
24. Bjellorusia (31 pikë)
25. Gjermania (24 pikë)
26. Britania e Madhe (11 pikë)
