Të premten e kaluar (10 maj), Loredana foli për herë të parë pas skandalit të akuzave për para të marra me forcë ndaj një çifti zvicerian (lexo këtu). Ajo çfarë reperja tha ishte se paratë nuk janë marrë as me dhunë, as me mashtrime dhe as me kërcënime.
I ftuar pasditen e sotme tek Rudina, ishte Olti Curri i cili e komentoi gjatë konferencën e saj, duke e quajtur si “imitim i një konference që jep Nicki Minaj”.
“E kam ndjekur ngjarjen. Loredana është repere shumë e mirë dhe më kishte bërë kurioz. Fillimisht ajo ishte e famshme në Zvicër, më pas u martua me një reper të njohur si Mozzik, por ishte tek personazhët e mesëm derisa ndodhi kjo ngjarje. Konferenca e shtypit m’u duk imitim i atyre që kemi parë nga Nicki Minaj apo repere të tjera. Ajo mund të bënte një status në Facebook me 10 rreshta ashtu siç e tha dhe në konferencë ku kishte marrë 2 avokatë, 100 fotografë dhe gazetarë.
Ajo nuk tha asgjë në atë konferencë, por dhe gazetarët ishin të pavëmendshëm. Loredana tha që ajo shumë është marrë me vullnet, por nuk e dinte shumën. Ajo tha që ky problem mund të mbyllej dhe ishte në gjendje që ta ndihmonte familjen e saj. Ti kur nuk e di çfarë shume familja jote është në borxh, si mund të thuash që do e ndihmosh?
Ti do e ndihmoje familjen tënde, me sa do e ndihmoje? Me 1 mijë euro, me 2, me 3 apo me 10-të? Si do e ndihmoje kur borxhi është 900 mijë franga. Kam përshtypjen se ajo është e informuar. Konferenca ishte si videoklipet e këngëtarëve që këndojnë nëpër fast food-e dhe pastaj hedhin miliona nëpër videoklipe.”- u shpreh Curri.
Gjatë konferencës gjithçka Loredana tha ishte: “ Për mua çfarë është me rëndësi të dinë shteti shqiptar, gjerman dhe zviceran është që prej asnjë personi nuk janë marrë para me dhunë, nuk janë marrë me mashtrime dhe as me kërcënime.Këto para, shumën e të cilave nuk e di janë marrë me vullnet të pastër të palës tjetër.”- fjalë të cilat hera herës binin ndesh me çfarë tregonte gjuha e saj e trupit.
Në fakt asgjë në deklaratën më sipër nuk e sqaron saktësisht situatën. Përpos saj, as nga ana e gazetarëve nuk u dëgjua një pyetje konkrete.
