Kur ti dhe ai nisët të dilni fillimisht donit të rrinit gjithë kohës me njëri-tjetrin apo jo? Të darkonit bashkë, një xhiro nëpër qytet me duar të kapura dhe pastaj netët e zjarrta në shtrat. E kemi fjalën për periudhën kur ti mendoje se kishe në krah njeriun më të dashur në botë, atë perfektin me të cilin ngjisje kaq shumë! Kur ai, ende s’e kishte shfaqur xhelozinë dhe as skenat e panevojshme.
Që në takimin e radhës ta keni një ide se cili fshihet pas asaj fytyre naïve, po ju prezantojmë me shenjat më xheloze të horoskopit.
1.Gaforrja
Gaforret janë po aq xhelozë sa miqtë e tyre Peshqit dhe Akrepi. Ata thjesht dinë ta fshehin mirë diçka të tillë. Nga një lidhje ata kërkojnë siguri, përkëdhelje dhe diçka që përkrah mirë guackën e tyre.
2. Luani
Thuhet se në dashuri Luanët janë besnikë dhe kanë nevojë të paparë të dinë të njëjtën gjë për partnerin e tyre. Vëmendja dhe përkushtimi është shumë i rëndësishëm për ta. Është e thjeshtë të bësh xheloz dikë të shenjës së Luanit, të cilët mund të bëhen edhe të pamëshirshëm nëse shohin që partneri i tyre është i përqendruar diku tjetër ku s’është ai.
3. Virgjëresha
Ato nuk janë vetëm kritike të të tjerëve, pore dhe të vetes. Kjo analizë konstante që bëjnë i çon detyrimisht drejt xhelozisë dhe mendimeve të tepruara. Është e thjeshtë për to të bëhen paranojakë apo të imagjinojnë skenare tradhtie.
4. Akrepi
Shenja më posesive dhe më xheloze e gjithë zodiakut. Si hetues të mirë që janë, Akrepët janë të fiksuar pas gjërave që mendojnë se u përkasin vetëm atyre. Për ta ndihmuar partnerin e kësaj shenje, tregojini që jeni të devotshëm dhe shfaqini siguri.
5.Peshqit
Peshqit janë shenja më emocionale kështu që ata mund të bëhen xhelozë fare lehtë në një lidhje. Aq më tepër nëse mendojnë se marrëdhënia e tyre po kërcënohet. Komunikoni dhe kaloni kohë cilësore që ata të qetësohen.
