Në vitin 2011 (nisur nga data e publikimit të videos në YouTube), gjatë garimit për Bashkinë e Këlcyrës, Hazbi Kasaj tërhoqi vëmendjen mediatike me një deklaratë të pazakontë. Sipas tij, ai/ajo që nuk votonte për të, Kasaj i uronte t’i binte kanceri në grykë.

Kushdo që nuk është prekur ende nga mallkimi dhe do të shpëtojë sa është në kohë, mjafton të votojë Hazbiun sepse gjejeni çfarë, është rikthyer sërish. Jo vetëm kjo, por ka në kokë një plan të tërë se si do veprojë me mbarë Këlcyrën në rast se populli i jep mundësinë për të qeverisur. Pretendenti i pavarur për fitoren e bashkisë përfshin në programin e tij elektoral dy çështje kyçe: çeljen e shtëpive publike dhe legalizimin e hashashit.

Slogani i tij? “Puno pak, ha shumë dhe bëj qejf.”

Në një intervistë për “Report Tv”, Kasaj është shprehur se të rinjtë do ikin vetëm një muaj në vit si turistë nëpër botë. Pjesën tjetër do ta kalojnë në tokën e tyre sepse le të themi s’do t’u mungojë asgjë.

“Qejfi është i shumëllojshëm. Dikush do shtëpinë publike, dikush do argëtimin, dikush boksin. Bashkia Këlcyrë me mua kryetar do t’i ketë të programuara këto.” shprehet Hazbiu.

Por me një google- im të shpejtë vumë re se kjo nuk është hera e parë që zotëria flet për shtëpitë publike. Në 2017- n, në emisionin “Dritare” me gazetarin Aran Xhani, në një televizion lokal në Gjirokastër, tregoi se kishte një plan të mirëmenduar për të gjithë burrat që abuzojnë seksualisht. Sipas Kasaj, diçka e tillë parandalohet nëse krijohen shtëpitë publike, ku burrat mund të "shtrydhin energjitë dhe sekrecionet".

“Kur i ngrihet mendja për të bërë seks, nuk duhet ta zinte të bijën e botës ose gruan e tjetrit me pahir, por të kishte shtëpi publike. Të shtrydhte energjitë e tij, ato sekrecionet, do qetësohej, ta zinte gjumi, do ikte në punë dhe nuk do bënte gabime të tilla. Nëse do ta bënte, do të nxirrnim një ligj t’i prisnim penisin, ta linim pa penis. Dhe nëse parlamenti nuk e miraton, atëherë atyre t’u zenë gratë e çupat e çfarë kanë". tregonte asokohe deputeti me qetësinë më të madhe, duke menduar se ka gjetur zgjidhjen ideale.