Pasi Rruga e Kombit u bë zyrtarisht me pagesë, të njëjtit fat do të ketë dhe autostrada Tiranë-Durrës. Burime nga Ministria e Infrastrukturës dhe Energjisë thanë për Shqiptarja.com se autostrada do të bëhet me pagesë, por vetëm me një kusht.
Pasi të rehabilitohet rruga dytësore drejt Durrësit, ajo e Ndroqit, do të nisë aplikimi i tarifës për kalim në autostradë. Të njëjtat burime thonë se ky rregull do të vlejë për çdo rrugë që mund të bëhet me pagesë në të ardhmen. Pra, rrugët me pagesë do të kenë dhe ekuivalentet e tyre, nga të cilat mund të kalohet pa pagesë.
Investitorët e interesuar për koncesionin do të marrin përsipër rehabilitimin e rrugëve ekzistuese dytësore.
