KESHILLA PER BLERJET TUAJA
Kinema & TV

Në vitet 2000, vë bast që po qaje para TV me këto histori!

Shkruar nga Anabel

15 Maj 2019

Kthehemi pak në vitet 2000? Atëherë kur shumë prej nesh ishin ende adoleshentë dhe me shumë mundësi, po jetonin historitë e para të dashurisë. Ndarjet e para gjithashtu.

Çfarë e ngushëllonte vuajtjen tonë naive? Filmat romantikë! Një listë me filma të tillë është e pafund, por titujt që do të gjeni më poshtë janë ata që të paktën 1 herë i kanë bërë shqiptarët për të qarë.

1. Tre metri sopra il cielo (2004)

Kemi nderin ta fillojmë me historinë ikonë të dashurisë së adoleshencës. Kush është djali i parë i keq që të vjen ndër mend? STEP!

Personazhet e famshëm të filmit italian, shqiptarët i adhuruan që herën e parë që i pamë në ekranin e madh të televizorit. Kush nuk qau me historinë e dhimbshme të Step-it dhe Babi-it?

Ajo, vajza e shkolluar e një familjeje të pasur kurse ai djali i keq i një familjeje problematike, që s’kishte rënë kurrë në dashuri. Sa kujtime ju solla tani? Aq ndikim pati ky film në ato vite, sa pa frikë mund të themi se të gjitha asokohe ëndërronim për një histori të tillë. Edhe nëse kishte fundin e Babi-it dhe Step-it.

2. The Notebook (2004)

Ok, ky është nga ata filma që s’duhet t’i mungojë kurrë asnjë liste, sa herë flitet për dashurinë. Përveçse e kemi qarë me lot ndarjen e dhimbshme të Noah nga Allie, të paktën njëherë në jetë kemi patur foton e tyre në Instagram apo Facebook.

“Nëse ti je një zog, unë jam një zog gjithashtu!”

3. A Walk to remember (2002)

Historia e shkruar nga i preferuari i 17-vjeçarëve asokohe, Nicholas Sparks bëri një prej filmave që do të mbetej gjatë në memorien tonë. Dashuria e Landon  dhe Jamie-it që pritet në mes nga një sëmundje e pashërueshme. Nuk ka rëndësi që e dimë fundin e historisë. Do të qajmë sa herë në TV shfaqet “Një shëtitje e paharrueshme!”

“Love is like the wind, you can't see it but you can feel it.”

4. Ho voglia di te (2007)

Nuk mjaftonte “Tre metri sopra il cielo” për të na lënë zemërthyer. Adhuruesit e çifti legjendar, ndonëse disa vite pak më të rritur prisnin ende për një mrekulli në ritakimin e Babi-it dhe Step-it. Gjërat shkuan ndryshe dhe një dashuri i re vjen...

5. Ps: I Love You (2007)

Mesa kujtoj, adolëshentët asokohe këtu u prezantuan për herë të parë me kuptimin e  përdorimit “Ps”. Historia e famshme e letrave që Holly gjente në çdo cep nga Gerry, bashkëshorti i saj i ndjerë. Mund të ishim të fortë mjaftueshëm për të mbajtur lotët, por kjo ndodhi deri në letrën e fundit...

6. One Day (2011)

Emme dhe Dexter na sollën një tjetër version dashurie. Të dy “shokëve” që i premtuan njëri tjetrit se pavarësisht ç’do të ndodhte me jetët e tyre, të paktën 1 herë në vit do të takoheshin. Sa ëndërronim! Fundi i paparashikueshëm na shtangu mjaftueshëm për t’ju rikthyer dhe një herë tjetër këtij filmi.

MOS I HUMBISNI