Lumturia është koncept relativ dhe secili e gjen në mënyrën e tij. Për këtë grua, të quajtur Liz Haslam lumturia janë vetëm qentë. Kur kujdeset dhe i mbron, ndihet njeriu më i gëzuar në botë. Gjithsesi, çështja qëndron diku tjetër.
Kjo grua u martua me dikë që mendonte se ishte dashuria e jetës së saj. Ata u dashuruan që 16-vjeç dhe kur mbaruan gjimnazin u martuan. Pas dasmës, ajo jetoi me të shoqin në një shtëpi me kopësht të madh. Në 25-vite martesë, patën një djalë. Sidoqoftë, asgjë prej këtyre nuk mjaftoi që martesa e tyre të shpëtonte.
Ndërkohë që dashuria dhe përkushtimi i saj ndaj qenve vazhdonte, i shoqi i vuri një kusht: “O qentë o mua!”
“Më vuri kusht të zgjidhja mes tij dhe qenve. Që nga ajo ditë as nuk e kam parë dhe as kam dëgjuar më për të.”- është shprehur gruaja, historia e së cilës u bë virale.
Arsyeja ? I shoqi mendonte se e gjithë marrëdhënia e tyre tani rrotullohej rreth qenve, por sipas saj çifti thjesht nuk shihte në të njëjtin drejtim.
Pavarësisht kësaj, mes burrit dhe qenit, ajo zgjodhi të dytin dhe sot pranon se është kujdesur për më shumë se 200 qenusha ndër vite.
Ndonëse ndarja e la me pasoja të rënda financiare, ajo ja doli të realizonte çfarë e bënte të lumtur!
