Sa kohë duhet të presim para se të bëjmë seks?

S’e kemi fjalën për seksin e herës së parë, por atë me një partner të ri, me të cilin po dalim së fundmi.  Nga studimet e kryera më herët, 50% e çifteve thanë se presin nga 1 javë deri në 1 muaj për t’u përfshirë seksualisht me partnerin e ri.

21% e çifteve  prisnin përafërsisht 2 muaj, kurse një 10% , prisnin rreth 6 muaj për të bërë seks.

Në fakt, hera e parë është shumë e rëndësishme sepse në atë moment seksi është akt më i ndjeshëm se çdo herë tjetër.

Kjo, sepse të dy vijnë nga eksperienca të ndryshme me partnerë të ndryshëm. Diçka e tillë sjell presion, aq më tepër nëse e keni marrë me ankth një hap të tillë.

Pyetja është: A ka një moment ideal për të thyer akullin?

Ekspertët thonë se ky diskutim është shumë personal dhe varet totalisht nga individi. Si seksi i hershëm ashtu dhe pritja shoqërohen me kundërshtime dhe aprovime pafund. Gjithsesi, s’duhet harruar që pavarësisht përfshirjes tënde në lidhje, mbani mend që partneri është njeri me ndjenja, mendime dhe me një trup që duhet respektuar.

Të bësh seks herët ndihmon që të lidhesh më shumë me partnerin, por nga ana tjetër nëse gjërat nuk shkojnë mirë, kjo ndikon negativisht të paktën tek njëri nga të dy.Ja pse disa njerëz zgjedhin më mirë të presin.

Çfarë duhet patur parasysh është gadishmëria e partneri. Nëse ju jeni gati por ai/ajo ende jo, duhet të prisni. Sa më komod të ndihet partneri juaj aq më shumë do të shijojë e gjithë kjo.