Fillim jave, pranverë, shi... Me përjashtim të atyre që (fatkeqësisht) janë turn i fundit në punë, të tjerët janë rehatuar në divanin a shtratin e preferuar dhe po dëgjojnë këngën e parë që ju vjen ndërmend.

Si thoni sikur t'ju kujtojmë ne një super listë me këngë që ndonëse në qendër kanë shiun, trajtojnë historira të ndryshme, njësoj si ne me historitë a nostalgjitë tona.

1.Aleksandër Gjoka- Ecën në shi

Nëse sot e ndjen veten pa motiv, energji apo shpresë, këndo me zë të lartë:

"Sytë e tu nuk qajnë

Lotët janë tharë

Vajzë e plakur

Ti ecen në shi."

Zëri i Aleksandër Gjokës dhe teksti i gjetur do t'ju bëjnë të ndiheni më ngrohtë, e sigurtë!

2. Argjentina Ramosaj- Si Shiu

Ti sapo je ndarë. Ai iku dhe s'e more vesh kurrë arsyen e vërtetë. Ende ke një shpresë se do të kthehet. Epo, ti sot deri në darkë duhet të bësh "replay" këngën "Si shiu", që gjithashtu i këndon një dashurie të ikur...

3. Elita 5- E urrej shiun

Ra apo nuk ra shi ditën kur ti u ndave, sa herë në sfond është kjo këngë, në mendjen tonë krijohen skenare nga më dramtike të mundshmet. Nejse, kushdo që ja vuri fajin shiut për ndarjen nga dashuria e parë, le ta kujtoj sot e ta lërë sërish aty.

E urrej... shiun kur bie... 
se njëherë ma fiku një zjarr.. 
një zjarr dashurie... 
I urrej.. lotët e mi... 
dhe pse ngjajnë me shiun 
që më ndau nga ti... 

4. Naim Krasniqi- Shiu i verës

Shirat e këtyre muajve vetvetiu na kujtojnë vetëm një këngë: "Shiu i verës"!

Kjo këngë shkon për ty, që sot dhe puthjen e parë (në çati ose jo), ose për ty që pas shumë vitesh pe ish-in dhe t'u kujtua sërish ai shi vere që dukej sikur e bënte edhe më të gjallë dashurinë tuaj. 

5. Anila Mimani- Nën ombrellë

Kë ka marrë malli për Anila Mimanin ta kujtojë sot me këtë këngë! Ajo  mund të ketë hequr dorë nga muzika, por askush nga ne s'do ta harrojë refrenin e kësaj kënge që fatkeqësisht nuk gjendet më as në YouTube. (Ju mund ta dëgjoni këtu)

"Të dy nën ombrellë, ishim atë natë 
Dhe sa here ti më puth, shiu nuk më lagë
Të dy nën ombrellë, erdhe ti më pranë 
Dhe të gjithë njerëzit neve na panë"

6.Fitnete Tuda & Vlera Kastrati - Shi bie në Tiranë 

Kënga më e famshme që lidh kryeqytetin tonë me shiun është padyshim kjo. Sërish atmosferë malli, nostalgjie, reflektimesh dhe kujtimesh për një dashuri të harruar diku në ndonjë copëz Tirane.

7. Ylli Limani- Shiu

Kësaj liste padyshim s'mund t'i mungonte Ylli Limani. Shiu nuk i lan dot mëkatet tuaja, por të paktën sigurohuni që t'i keni shijuar.

Në fund, duam t'ju kujtojmë që pas çdo dite me shi, dielli do të dalë sërish se nuk mund të ndodhë ndryshe. Prandaj, dëgjoni Fitnete Tudën kur thotë: "Një ditë, do të bëhet më mirë, për mua dhe ty, dashuria ime!"