E dimë që ju duket sikur vera s’do të vijë kurrë, por mos i besoni shiut gënjeshtar. Zhduket brenda ditës për t’ja lënë vendin diellit të ngrohtë,por edhe rrezeve të këqija.
Prandaj, nuk është aspak herët për të folur rreth mbrojtjes së lëkurës çdo ditë të jetës, jo vetëm kur jemi me pushime. Si të shpëtojmë nga djegiet?! Po nëse është tepër vonë a duhet t’i besojmë recetave të gjyshes të vjetra sa vetë bota?
Pse jo? Legjendat e vjetra që thonë se na vijnë në ndihmë gjatë verës, funksionojnë vërtetë!
Fillojmë!
Aloe Vera
Aloe Vera është rekomanduar për dekada me radhë dhe është një nga mënyrat më të vjetra që na sugjeronin për të shpëtuar nga djegiet e diellit. Aloe Vera është qetësuese dhe bën sens që të ketë efekt në lëkurën e nxehtë apo të djegur.
Soda e bukës
Sodën e bukës na e rekomandojnë për çdo gjë; për të zbardhur dhëmbët,për të qetësuar dhimbjen e stomakut apo për të shpëtuar nga helmi i kafshimit të një insekti. Kështu që nuk është ndonjë surprizë e madhe që soda e bukës na ndihmon gjithashtu edhe për lëkurën e djegur nga dielli. E miksuar me ujë, soda e bukës qetëson lëkurën dhe zbut dhimbjen. Mund ta përdorni gjithashtu në një dush të lezetshëm.
Qumësht
Nëse nuk e dinit qumështi e qetëson lëkurën sa hap e mbyll sytë. Çfarë duhet të bëni është të fusni një shishe të vogël në frigorifer, të prisni derisa të ftohet dhe më pas ta aplikoni ngadalë në lëkurën e djegur nga dielli.
Një hidratant i mirë
Ndoshta zgjidhja më e thjeshtë është të blini një locion për të hidratuar lëkurën dhe për t’i dhënë sërish jetë. Diçka e tillë do të bëjë punë, për më tepër nëse ka ndonjë nga përbërësit më lart brenda saj.