E hëna e 13 majit shënon fillimin e javës për Ndërgjegjësimin e Shëndetit Mendor-një fushatë botërore 7 ditore që trajton kauza të ndryshme për çdo vit. Ky vit, 2019-ta i dedikohet imazhit të trupit.

Studime të kryera së fundmi në lidhje me këtë çështje, dolën në përfundimin se nuk janë vetëm të rinjtë atyre që i intereson një “trup perfekt”, apo ata që tërhiqen nga reklamat dhe ajo ç’ka shohin në rrjete sociale. 1 nga 8 të rritur në Britaninë e Madhe ka menduar të kryejë vetëvrasje vetëm se nuk i pëlqen çfarë sheh nga trupi i tij/saj.

Shumë të tjerë ndjejnë turp nga trupi i tyre për shkak se nuk janë në “përmasat” që dashur pa dashur shoqëria ka vendosur.

Nga ana tjetër, grupmosha nga 18-25 vjeç shprehet se fotot që sheh në rrjete sociale i shqetësojnë edhe më shumë rreth trupit të tyre.

Ndonëse edhe meshkujt preken nga një problem i tillë, gratë e pakënaqura (të të gjitha moshave) me imazhin trupor janë në numër më të lartë.

Problemet apo komplekset në lidhje me imazhin trupor, ndikojnë tek kushdo pavarësisht stadit të jetës në të cilin ndodhet.

Ç’mund të bëhet për këtë?

Fondacioni i Shëndetit Mendor sugjeron se është qeveria ajo që duhet të ndërmarrë masa për plaftormat sociale. Kjo do të thotë që pjesë e tyre të jenë/promovohen/publikohen, masa/forma/ngjyra të ndryshme trupash të çdo moshe dhe jo vetëm.

Kjo do t’i mbronte si të rinjtë ashtu dhe të rriturit nga emocionet negative që mund të përjetojnë kur u serviret vetëm një model si trupi “që duhet të kenë”.

Nga ana tjetër, nëse ti e ndjen që rrjetet sociale po ndikojnë shumë në mendimet rreth trupit tënd, kujto cila/cili je dhe shtyp butonin “unfolloë” për gjithë ato llogari që promovojnë një stil jo real apo jo të shëndetshëm jetese.

Pastaj, në bisedat e çdo dite përpiqu të flasësh në mënyrë pozitive për gjithë llojet e trupave, duke shmangur kështu steriotipizimet. Në fund, sigurohu që kur ta lexosh këtë, ta kesh mamin dhe këdo tjetër që e ke dëgjuar të të ankohet së fundmi për kilet e tepërta.