Amal Clooney ka stil për t’u pasur zili, pa dyshim, duke nisur nga veshjet fantastike në tapete të kuq, te kombiminet e pashoq për punë e deri te veshjet e pushimeve. Avokatja e të drejtave të njeriut, nëna e binjakëve dhe bashkëshortja e George Clooney e menaxhon jetën publike me elegancë dhe stili i saj është thjesht një zgjatim i kësaj elegance.

Nëse e ndiqni prej vitesh, duhet t’ju ketë rënë në sy që në garderobën e Amal nuk mungojnë këto pesë gjëra që shërbejnë si themel për pjesën tjetër të veshjes e ndonjëherë e plotësojnë.

Taka nude

Le të nisim me gjërat e rëndësishme: këpucët. Amal ka një koleksion të zgjeruar, por herë pas here zgjedh taka nude, sidomos një palë suede nga Jimmy Choo.

Fustane pas trupit

Fustanet pas trupit, zakonisht të gjatë deri nën gju, janë uniforma e Amal, sidomos kur i duhet të punojë.

Çanta të strukturuara

Së fundi, të preferuarat e avokates janë Dior Bar Bag dhe Michael Kors Bancroft Tote, të dyja çanta të strukturara që rafinojnë çdo veshje.

Funde treçerekëshe

Kur i duhet një pushim nga kombinimet epike me pantallona, Amal vesh funde treçerekësh që zakonisht i kombinon me veshje a aksesorë të tjerë të përmendur në këtë listë.

Syze të mëdha

S’ka rëndësi ç’është në modë, Amal-in do ta shihni përherë me syze të mëdha. Të preferuarat e saj janë nga Ferragamo dhe Givenchy.