Pas modeles kroate Ema Kovac, francezes Angelina Michelle, serbes Vanja Josic, kubanezes Cicelys Zelies, kroates Sara Vulinovic dhe italianes Sara Croce, në episodin e shtatë të sezonit të tetë të “Ciao Darwin”, në rolin e “Nënës Natyrë” ngjitet modelja shqiptare, Alba Vejseli.

1 metër e 74 centimetra, me sy blu dhe trup fantastik, modelja mahniti studion e “Ciao Darwin” dhe është konsideruar si “Nëna Natyrë” më fantastike e këtij sezoni nga një pjesë e mirë e ndjekësve në Instagram.

Menjëherë pas puntatës, numri i ndjekësve në Instagramin e saj u rrit në mënyrë të frikshme. Deri pak orë më parë, Alba numëronte rreth 40,000 të tillë, ndërsa për momentin është afër shifrës 100,000.

Gjithë ç’dihet për të deri tani: është shqiptare, ka qenë imazh për disa marka të produkteve kozmetike dhe ka pasion udhëtimet.

Spektakli “Ciao Darwin” është i ndërtuar në formën e një gare ballë për ballë mes 2 grupeve që përfaqësojnë kahe të kundërta, si për shembull, “peshkopët” kundër “rrugaçëve” apo “artistët” kundër “matematicienëve”, të cilët sfidojnë njëri-tjetrin dhe shpallet një fitues.

Çdo vit, zgjidhen vajza të cilat luajnë rolin e “Nënës Natyrë”, që mishëron perfeksionin e saj. Në sezonet e shkuara, “Nëna Natyrë” është trupëzuar tek modelja kubaneze Keila Guilarte, por më vonë ka pasur disa të tilla, për të thënë se perfeksioni nuk është 1, por vjen në shumë forma.