Joe Jonas dhe aktorja e “Game of Thrones” Sophie Turner u martuan në një ceremoni surprizë në Las Vegas, pas Billboard Music Awards. Ceremonia u bë publike fill sapo DJ Diplo postoi disa foto në Instagram.
Çifti shkëmbeu unazat para të pranishmëve dhe dikujt që imitonte Elvis Presley-n. Një përfaqësues i Sophie Turner-it konfirmoi për CNN se “çifti u martua në SHBA”.
Jonas dhe Turner u fejuan dy vite më parë. Maisie Williams, pjesë e aktorëve të “Game of Thrones” dhe shoqe e ngushte me Sophie-n, ka konfirmuar që do të jetë shoqëruesja e nuses, por deri tani nuk dihet me siguri nëse ajo ishte e pranishme apo jo.
Diplo really streamed while Joe and Sophie were getting married I- pic.twitter.com/jsW9LVGAD6
— Jonas Brothers News (@jbrosnews) May 2, 2019
“Ndonjëherë mendoj se nuk e dua fare veten, por tani jam me dikë që më bën të mendoj për cilësitë e mia. Dhe kur dikush të thotë çdo ditë se të do pafund, të bën ta duash edhe ti veten. Kështu që po, e dua veten.” - u shpreh Sophie në një intervistë podcast në Dr. Phil me Phil McGraw.