Nëse gjatë gjithë jetës ke patur flokë të thatë ose lyerjet dhe stilimet e shumta t’i kanë dëmtuar tejmase, katër maskat e mëposhtme do të të ndihmojnë t’u japësh jetë.

Me banane

Për ta realizuar këtë maskë ju duhen: 1 banane, 1 vezë, 3 lugë (gjelle) mjaltë, 3 lugë qumësht dhe 3 lugë vaj ulliri. Përziejini mirë e mirë derisa të krijohet një masë homogjene, lëreni të veprojë mbi flokë nga 15 deri 30 minuta dhe lahuni pastaj me shampo.

Me kos

Përzieni një të bardhë veze me gjashtë lugë kos dhe pak vaj ulliri. Lyeni flokët dhe lërini ashtu për 15- 30 minuta. Më pas lahuni me ujë ngrohtë.

Me mjaltë

Përzieni 3 lugë vaj ulliri me 2 lugë mjaltë. Pas gjysmë ore bëni dush.

Me avokado

Bëni gati një gjysmë avokadoje dhe 1 të verdhë veze. Përziejini mirë dhe aplikojini mbi flokë duke nisur nga majat drejt skalpit. Lëreni përzierjen të bëjë magji për 15- 20 minuta. Gjatë kësaj kohe mund të përdorni të bardhën e vezës mbi fytyrë.