Teksa u hidhnim një sy të shpejtë kronikave në vend, na tërhoqi vëmendjen historia e një gruaje 74- vjeçare, e cila refuzon të dalë në pension duke punuar ende!

Vera Çela, mësuese e matematikës në ciklin 9- vjeçar nuk është aspak gati për të hequr dorë nga profesioni i saj. Përkundrazi, as nuk ka në plan ta bëjë!

“Do të vazhdoj të punoj sa të kem fuqi. Për mua, të jetosh do të thotë të punosh dhe më duket sikur unë kontribuoj me mënyrën time të punës, aq sa kam mundësi… Pak, pak, aq sa mundem dua t’i shërbej këtij vendi, këtyre fëmijëve që nesër do të jenë e ardhmja.” tregon mësuesja për “Top Channel”.

Por si është një ditë për të moshuarën?

“Unë zgjohem që në 5, punoj dhe me shtiza… e mbush plotësisht ditën time. Nuk e kisha menduar që do të bëhesha mësuese, megjithatë që orën e parë të mësimit u ndjeva shumë mirë dhe që atëherë unë kam vazhduar ta dua çdo herë e më shumë profesionin tim dhe e vlerësoj jashtëzakonisht shumë. Dua t’u kujtoj të gjithëve se pa qenë në dorë të mësuesit, pa shkuar në shkollë, pa u përgatitur nga mësuesi nuk bëhesh dot absolutisht asgjë.” shprehet 74- vjeçarja.

Gati për ta parë jetën me një sy tjetër?

Ne PO!