Së fundmi, i ftuar në “A Show” ishte gazetari, aktivisti dhe eksperti i financave Pano Sako, i cili në një intervistë me moderatorin Adi Krasta, e akuzoi kryebashkiakun Erion Veiaj për abuzim me fondet e Bashkisë së Tiranës dhe me taksat e qytetarëve.  

Në bashkëbisedim e sipër për çështjen në fjalë, ndërhyn Krasta:

“Unë nuk e di bile çfarë mendimi ka për këtë portali Tirana Post, kanë një mendim ata për këtë analizën, ku shkojnë paratë? Mund të na bëjë një nder ky portali të bëjë një analizë [se] ku shkojnë paratë e Bashkisë? Zonja Kazhani?”

Fill pas kësaj thirrjeje, ka reaguar vetë Mira Kazhani përmes një postimi në Instagram Story:

"Adi Krasta ka bërë disa pyetje ndaj meje. Nuk habitem qëkur e pashë t'i lëpihej Berishës në emision, që dikur e quante të keqe të madhe . Mu dhimbs në fakt...Tani unë të them: të të  vijë turp turp turp. Inatet me politikanët që ke ngrënë darka dhe je prishur po nëpër darka nxirri me to. Mua mos më ngatërro me veten tënde se jam larg shumë, po shumë larg modelit tënd. Ti e ke dokumentuar veten tënde me video e mesazhe nëpër ekrane. Falë Zotit s'jam njeri ofertash të parezistueshme, as e pafytyrë që lëpij ku pështyj. Ah sa më dhimbsesh ti Adi, ka kohë që më dhimbsesh. Por ndodh, secili ka aksidentin e vet, ti e pate me karakterin tënd! (Fotoja nga një intervistë ku prezantuesi më shpallte gazetare kurajoze. Ka dhe shumë të tjera janë në Youtube." përfundon Kazhani.