KESHILLA PER BLERJET TUAJA
Instagramming

Moderatori i del në mbrojtje Ledrit: 'Hipokrizia e disa personave është e neveritshme'

Shkruar nga Anabel

16 Prill 2019

Fjalia e Ledri Vulës: “Edhe femrat ja kan’ nis me repovatë, diçka s’o n’rregull???", duket se zemëroi shumë njerëz të cilët e interpretuan si diskriminuese për gjininë femërore.

Kështu, reperi vendosi ta  sqarojë deklaratën e dhënë në NIN përmes një postimi në Instastory duke thënë se njerëzit janë keqkuptuar dhe se s’ishte qëllimi i tij për t’i bërë vajzat të duken sikur s’kanë lidhje me repin.

“Më vjen keq që një fjali e imja në ‘NIN’ është keqkuptuar edhe pse as me këngët e mia, e as vet si person unë nuk i ofendoj jo vetëm reperet, por askënd nga gjinia femërore. Të mendoja që femrat nuk bëjnë rep të mirë nuk kisha bërë këngë me Tayna-n. Unë e kisha për fjalorin që përdoret.

Po më bezdis që edhe femrat e kanë marrë atë zanat të keq të përdorimit të sharjeve si ne. E di që munden të bëjnë reptura më të mira, pa qenë nevoja të shajnë, se fjalorin e kemi mjaft të pasur. Ne na dëgjojnë edhe fëmijët dhe familjet e tyre, prandaj edhe po e them këtë gjë. Ju që po e ngrini këtë pluhur, kthehuni edhe shikoni të gjitha tekstet e këngëve të mia dhe pastaj gjykoni!”

Menjëherë pas tij, moderatori i programit NIN, Alaudin Hamiti e ka parë gjithashtu të arsyeshme t’i dalë në krahë reperit duke reaguar për një postimi në llogarinë e tij të Instagram-it.

“Duhet t’ua shpjegojmë situatën sepse siç duket Ledri është keqkuptuar dhe është nxjerr prej kontekstit. Jo sepse kam detyrim moral, por thjesht sepse indinjata, hipokrizia dhe moralizmi i disa personave është thjesht i neveritshëm.

Para se të japin vlerësimin duhet të dëgjojnë më shumë se një minutë. Kur shprehet se edhe femrat kanë nis me repovat nënkupton që kanë rënë në nivelin e meshkujve me DISS-a dhe fjalë banale, e jo që nuk munden apo nuk janë të afta. Pa asnjë ofendim ndaj askujt.”- shkruan Hamiti.

MOS I HUMBISNI