Në kopertinën e majit për Vogue, Kim Kardashian zbuloi për herë të parë se po studion për t’u bërë avokate. Një lajm i tillë sigurisht që është shoqëruar edhe me komente negative, të cilat Kim-it i ranë në sy.
“Kam parë disa komente nga njerëzit që thonë se e kam patur më të lehtë për shkak të famës dhe parave, por nuk është kështu,” shkruan ajo në një foto në Instagram. “Një person më tha që të qëndroja në korsinë time. Dua që njerëzit të kuptojnë se askush nuk mund të na ndalojë të ndjekim ëndrrat.”
Më tej Kim sqaron se ndonëse nuk e ka përfunduar kolegjin, ajo ka 75 kredite, nga 60 që nevojiten për të studiar në Kaliforni, ku ekziston një mënyrë tjetër për të marrë titullin avokat që konsiston në studimin e ligjit nën udhëzimin e një avokati tjetër a gjykatësi. Verën e këtij viti do të japë provimet e saj të para dhe nëse i kalon, do të lejohet të studiojë edhe për tre vite të tjera
“Vitin e parë duhet të studioj tre lëndë: drejtësinë kriminale, kontratat dhe dëmshpërblimet. Kjo e fundit është më e vështira për të. Drejtësinë kriminale e mëson në gjumë dhe konceptet i kupton menjëherë.” – u shpreh Kim për Vogue.
Në Instagram, ajo shton se “qëndron natën pa gjumë për të studiuar dhe nuk i kalon fundjavat me familjen.”
“Nuk është kurrë vonë për të ndjekur ëndrrat tuaja.”
View this post on Instagram
