Çfarë nuk do të bënim për dhëmbë të bardhë dhe të shëndetshëm? Gjithçka, por nga dëshira e madhe, edhe mund të gabojnë gjatë proçesit më të rëndësishëm të higjenës orale.

 Mjekët këshillojnë larjen 2 herë në ditë dhe shkuarjen te dentisti minimumi një herë në vit.

Larja e dhëmbëve duket e thjeshtë, sepse fundja e kemi bërë çdo ditë gjithë jetën. Por ja që shkencëtarët na thonë se e paskemi bërë gabim gjithë jetën.

Nëse i lani dhëmbët shpejt dhe me lëvizje horizontale, por njëkohësisht ushtroni dhe forcë mbi to, atëhere jo vetëm që po gaboni, por edhe po i shkaktoni atyre dëm. Kjo mënyrë larjeje bën që dhëmbët tuaj të “plaken” më shpejt seç duhet.

Larja e shpejtë dhe me forcë jo vetëm që i dëmton por as nuk i pastron. Ju nuk arrini të pastroni hapësirat midis dhëmbëve ku gjenden mbetjet ushqimore. Pikërisht këto hapësira janë pjesa e dhëmbit që duhen patur shunë kujdes, pasi aty formohen kavitete dhe sëmundje.

Ç'duhet të bëni?

Duhet thjesht të vendosni furçën sipër dhëmbëve dhe ta lëvizni atë lehtë në mënyrë që të futet midis hapësirave. Këtë metodë përsëriteni për çdo zonë të aparatit. Mjekët stomatologë rekomandojnë që lëvizjet  e vogla në një kënd 45 gradë, janë metoda më e mirë.

Një tjetër gabim i madh që disa njerëz bëjnë në procesin e larjes së dhëmbëve është kohëzgjatja. Shumë njerëz nuk harxhojnë kohë mjaftueshëm dhe shumica e dentistëve rekomandojnë larjen e tyre për 2-3 minuta. 

Herën tjetër, shiheni kohën për të parë se sa zgjat rutina juaj e larjes së dhëmbëve. Shanset janë që teksa jeni duke nxituar për në punë apo kur jeni shumë të lodhur dhe mezi prisni të flini në darkë, jeni duke i kushtuar larjes së dhëmbëve rreth 1 minutë.

Çfarë ndodh nëse përpiqeni të shmangni procesin e larjes së dhëmbëve? Mund të jeni duke e vënë veten në rrezik të sëmundjeve më poshtë.

Demenca

Demenca është një sëmundje kronike mendore, e cila përfshin humbjen e kujtesës dhe çrregullimet e ndryshme mendore. Nga studimet e fundit, ka rezultuar se rreth 22% e të rriturve që nuk lanin dhëmbët, janë aktualisht më të riskuar ndaj saj. Këto statistika vijnë sepse njerëzit me higjienë më të mirë orale, kanë tendencën të kenë një stil jetesë më të shëndetshme në përgjithësi. Disa minuta më shumë në tualetin tuaj do t’ju ndihmonin gjithashtu për të ulur rrezikun ndaj humbjes së kujtesës.

Probleme kardiake

Shkenca ende nuk ka gjetur një lidhje mes kujdesit të varfër oral dhe çrregullimeve kardiake, por goja është një shteg paralajmërues. Edhe pse për këtë nevojiten ende kërkime të tjera, ekspertët sugjerojnë se ekziston një lidhje midis baktereve të dhëmbëve dhe arterieve.

Diabeti

Higjiena e varfër orale është një nga faktorët kryesorë që shkakton diabet, për shkak se ndikon në qëndrueshmërinë e insulinës.

Kanceri

Çamçakëzi dhe çrregullimet e tjera orale janë të lidhura me një lloj infeksioni (HPV), që në 80% të rasteve është përgjegjës për kancerin e fytit. Përveç duahnpirjes, moslarja e dhëmbëve është një faktor tjetër i pavarur që rrit rrezikun e kancerit.