Në kopertinën muajit prill 2019 në revistën ndërkombëtare “Velvet”, edicioni italian, është vajza e aktorit të famshëm Jean-Claude Van Damme, Bianca, e cila që prej vitit 2008 filloi të luante me të atin nëpër filma dhe të stërvitej pranë tij.
28-vjeçarja, e cila momentalisht po synon Hollywood-in, është fotografuar nga fotografi i talentuar shqiptar, Eugenio Qose. Gjithë seti është relizuar në Santa Monica, Los Angeles.
Nuk është hera e parë që Eugenio Qose bashkëpunon me revista të famshme ndërkombëtare; përmendim këtu bashkëpunimin me Elvana Gjatën në vitin 2014 për kopertinën e “Velvet”,
fotot mbi editorialin e modës të Armina Mevlanit në po të njëjtën revistë, bashkëpunimin me “Vanity Fair” edicioni italian mbi intervistën e Elhaida Danit pas fitores së “The Voice of Italy” etj.
Prej kohësh, Qose bashkëpunon me “Velvet”, një revistë me qendër në Emiratet e Bashkuara Arabe, e cila që prej vitit 2010, synon të bashkojë traditat e lindjes me stilin perëndimor duke u publikuar në shumë shtete.
Për grimin dhe flokët është kujdesur Lili Ismaili, e cila prej kohësh është zgjedhja numër 1 e modeleve dhe artistëve shqiptarë në Amerikë dhe jo vetëm. Lili, një ndër artistet e pakta të makeup-it që një grua në krye të sallonit të bukurisë e kthehu në sipërmarrje, momentalisht po punon me projekte në shumta në Kaliforni dhe Shqipëri.
