Gigi Hadid dhe Zayn Malik thuhet se i kanë dhënë fund për të disatën herë marrëdhënies së tyre. Kështu që njerëzit (lexo: mediat), përpiqen që ta lidhin atë me çdo djalë që del.

Këtë javë, supermodelja u pa në shoqërinë e Samuel Krost, i cili në të kaluarën ka qenë i dashuri i Selena Gomez.

Gigi dhe Sam janë parë edhe më parë të qëndrojnë bashkë, por tani që ajo është single, ~ agjencia e paparacëve ~ punon fort.

Natyrisht që djemtë dhe vajzat mund të jenë miq dhe sipas Gigi-t thashetheme të tilla janë të patolerueshme.

“Nëse do të vazhdoni të shkruani broçkulla sa herë dal me një mik të gjinisë mashkullore, atëherë duket se do të ketë një keqkuptim të panevojshëm.” – sqaroi ajo në Twitter.

Hadid dhe Malik kanë qenë një ndër ato çiftet që janë ndarë e janë ribashkuar disa herë që prej 2015-s, kur lindi historia e tyre e dashurisë. Së fundmi, në janar të këtij viti, burime të ndryshme pohuan për US Weekly se çifti nuk është më bashkë.

Por në fillim të marsit, Zayn Malik postoi në Twitter “@GiGiHadid të dua dhe më pas e fshiu postimin, pa pritur që ajo t’i përgjigjej. Asokohe fansat u emocionuan pasi menduan se është një deklaratë si për të thënë “hey, jemi bashkë”, ose e kundërta: Zayn ka një dashuri platonike për supermodelen dhe siç duket nuk e marrë ende veten nga ndarja.

Megjithatë burime të tjera shprehen se “Gigi ka ende ndjenja për Zayn”, por “ai ka mjaftueshëm probleme ndaj nuk mund të lidhen sërish”.