Bashkejetesa

Ç’thonë studimet për çiftet që lëshojnë gazra në prani të njëri tjetrit?!

Shkruar nga Anabel

2 Prill 2019

Ç’thonë studimet për çiftet që

Të na falin ata që s’pranojnë fare të tilla tema, por gazrat janë pjesë e jetës dhe sado të përpiqemi s’i shmangim dot. Marrëdhënia e gazrave në çift është një tjetër çështje po kaq e rëndësishme.  Ka çifte që nuk e kanë problem të diskutojnë të tilla tema, apo edhe të veprojnë në prani të njëri tjetrit.

Shëndeti dhe rehatia fizike vjen e para. Ka të tjerë pastaj që as nuk duan ta imagjinojnë çdo të ndodhte me ta nëse pa dashje do t’i shpëtonte diçka e tillë në sy të partnerit. Për ta, romanca vdiq në atë moment.

Po ekspertët ç’thonë?!

Gazrat shihen si diçka aspak e këndshme për t’u dëgjuar në publik, si diçka e pistë dhe jo pak herë etiketohen si “gjë e shpifur”. Por e gjithë kjo është thjesht një stigmë e krijuar nga shoqëria ku jetojmë.  Këtë lloj kompleksi studiuesit e lidhin me fëmijërinë. Shpesh në shkollë, fëmijët viheshin në lojë kur kalonin dhe lëshonin gazra në sy të gjinisë tjetër.

Turpin që ndjenim që fëmijë, e transmetojmë edhe më vonë tek lidhjet tona.

Por pse të lëshosh gazra në prani të partnerit është shenjë e mirë?

Nuk ka asgjë për turp, pavarësisht çfarë njerëzit mendojnë.  Njerëzit në lidhje të vërteta janë normalë, jetojnë, marrin frymë dhe me rastë edhe bëjnë gazra. Kjo s’do të ndryshojë ndjenjat e partnerit për të.

Pra nëse ju e bëni këtë në sy të të dashurit/ës, do të thotë se jeni komod me njëri tjetrin. Madje, çiftet s’kanë probleme të tilla thuhet të kenë një jetë seksuale të mbushur me aventura, për shkak se janë të lirshëm dhe s’vuajnë nga mendime të kota që thjesht i ngarkojnë.

Pse është shenjë e keqe?

Përpos atyre që thamë më lart, një gjest i tillë konsiderohet si veprim egoist. Pra partneri yt, nuk po mendon aspak sa e pakëndshme mund të jetë për ty dhe vazhdon  programin.  Nëse e sheh që kjo situatë ty të vë në siklet dhe minimumi nuk respekton reagimin tënd, po flasim për një shenjë të keqe.

 

MOS I HUMBISNI